اسأل ....استشير

تذكير بمساهمة فاتح الموضوع :

يا جماعة أنا حبيت أغير مضمون الموضوع وحبيت إن كل عضو يدخل يضع سؤال محير عنده

ونجمع أكبر عدد من الآراء لإفادة بعضنا بعض ولهذا نحن أصدقاء لنساعد بعضنا بعض فى مشاكلنا


وأعتقد إن الموضوع لو نال رضاك سوف يؤدى إلى وحدة فى آراءنا جميعا وهذا مفيد لنا كعرب


حبيت أعرف رأيكم

هو الإنسان الكثير التسامح ليس لديه كرامة حقا ؟ وإذا كان كذلك بالنسبة للبعض أرجو تفسير رأيه

أتمنى يكون الموضوع غير مكرر ويكون مفيد لنا كلنا :ورد: :ورد:

مع كل الود ...... أميرة الخيال

بصى اميرة
انا مش بخرج من البيت لظروف مرض والدتى
ومقدرش اسيبها
وبعدين انا بعتلها الايميل وهى ماهتمتش ومن كام يوم بعتلها اضافه عشان تلكمنى وضافتنى فعلا وطلعت بتحسبنى واحدة تانية صحبتها ورغم انى حاطة صورة والدى وكتبا عليها اسمى كصورة فى الماسنجر
عموما هيا اما تصفى وتفتكرنى هتبقى تكلمنى

سؤال لو حد مدحك فى عمل معين والحقيقة مش انتى اللى عملتى حد تانى غيرك
ولو قلتى الصراجة هيبقى شكلك وحش وبدل ما كنتى بطلة هتبقى حاجة تانية خالص
هتعملى ايه ؟؟؟

لأ أقوللك حاجة .... أنا مش موافقاكى

إنتى أصلا لو إعترفتى إن العمل ده مش إنتى اللى عملتيه ده هيعلى صورتك فى نظر اللى قدامك مش هتسقطى فى نظره لأنك مقبلتيش مديح مش من حقك

طالما إنتى إعترفتى صدقينى حتى لو الشخص ده ما أظهرش إنه إحترمك أو أظهر إنه غير رأيه فيكى فإما إنه مش صادق فى كلامه ده

أو عنده خلل علشان يفكر بالطريقة دى

انا معداش الموضوع دل عليا قبل كده بس فكرت فيه
لو حصل هاتصرف ازاى؟
حطى سؤالك بقى كفايه عليا كده

لو حصل قولى الحقيقة

متخفيش حاجة عن حد لو هو جزء من الحاجة دى.... ماشى

أنا معنديش أسئلة دلوقتى خاااااالص لكن وعد منى لو لقيت سؤال محيرنى هسأله هنا (وعد رجالة)

لقيت سؤال

لو أنا بثق فى شخص ثقة كبيييييييييييييييرة للمدى

وحد قريب منى وبحبه فوق الوصف قاللى متثقيش فيه لأسباب مقنعة بصراحة.... لكن مفيش دليل على صحة كلام هذا الشخص القريب منى

أنا إحساسى بيقوللى إن أول شخص صادق وإن التانى بيحاول يحمينى ودى حاجة أنا واثقة فيها

أعمل إيه أكدب إحساسى اللى بثق فيه برده وبثق فيه كتيييير جدا ....ولا أكدب الشخص اللى مستحيل يقوللى حاجة فى غير مصلحتى

تصدقى حاجة تحير بجد
بس انتى بتدرسى الموضوع وتحطى الاسباب دى ودى قدامك
وتشوفى انتى مقتنعه بايه فيهم
واعتقد ان الثقه اوقات كتير مبتبقاش فى محلها
ولا ايه

معاكى حق والله

لكن أنا مش عايزة أكتشف كذب هذا الشخص الأول أو إن ثقتى فيه مش فى محلها

بحارب نفسى من الآخر ......

بصى بقى الشخص الثانى قاللى كلامه عامة يعنى أسباب عمومية مش خاصة علشان كده مفيش أدلة عليها

فاهمانى

آه على فكرة بالنسبة لحكاية صديقتك

صراحة أنا سألت شخص تانى عن الموضوع ده وقاللى سيبى صديقتك دى تهدى شوية وكلميها بعد كده ولو مقدرتش تقدر ظروفك يبقى فين صداقتها بقى مش هتسوق فيها

فهمتينى يا نيمو

العفو على فكرة على التوقيع أنا يشرفنى أعمل توقيع لحبيبة قلبى .... العفو عمرى

هيا كلمتنى النهاردة ولسه نفسيتها زى الزفت برضه
ونفسى اساعدها بس مش بايدى خالص
لان حالتى اوحش منها برده ونفسيتى فى الضياع
وبالنسبة لموضوعك ممكن توضحى اكتر شوية

بصى بقى

بما إنها كلمتك فمتتأخريش عنها وكلميها وحاولى تشوفى هى مالها وحاولى تساعديها حتى لو إنتى تعبانة

هى متعرفش إنك تعبانة ومتعرفش ظروفك .... فإسمعيها الأول وشوفى مشكلتها وبعد كده إحكيلها على مشكلتك ولازم تفهمك علشان إنتم أصحاب ...... ولا إيه ؟