اسأل ....استشير

تذكير بمساهمة فاتح الموضوع :

يا جماعة أنا حبيت أغير مضمون الموضوع وحبيت إن كل عضو يدخل يضع سؤال محير عنده

ونجمع أكبر عدد من الآراء لإفادة بعضنا بعض ولهذا نحن أصدقاء لنساعد بعضنا بعض فى مشاكلنا


وأعتقد إن الموضوع لو نال رضاك سوف يؤدى إلى وحدة فى آراءنا جميعا وهذا مفيد لنا كعرب


حبيت أعرف رأيكم

هو الإنسان الكثير التسامح ليس لديه كرامة حقا ؟ وإذا كان كذلك بالنسبة للبعض أرجو تفسير رأيه

أتمنى يكون الموضوع غير مكرر ويكون مفيد لنا كلنا :ورد: :ورد:

مع كل الود ...... أميرة الخيال

بصى هيا قالتلى فعلا ايه اللى تاعبها وانا مش بايدى حاجة بالنسبة لموضوعها
ولو اقدر اساعدها صدقينى مكنتش اتاخر لانى بحب اكون السبب فى مساعدة واسعاد الاخرين ودى طبيعتى والله
عموما ربنا ييسر لها الحال ويفرج كربها يارب
وكرب المسلمين كلهم

فى الحكاية دى بقى كل اللى عليكى تخرجيها من اللى هى فيه

وبأى طريقة وساعتها هى نفسها هتلاقى الحل لمشكلتها وذهنها صافى

انا كلمتها امبارح وقعدنا نهزر ونتريق على اللى بيحصل وكده
عموما
يلا حطى سؤالك انتى او كيرى

اوكيه انا هسأل

بصى يامس
كان لدى صديقتان وكنا مسمين نفسنا الثلاثى المرح
وبعدين هم سمع موضوع انا محبوش وجم اقوللى فأنا اضيقت منهم وحاولت افهمهم وجهه نظرى وان الموضوع مش حلو لكن روفضوا يفهموا واضيقوا منى

بعديها انا قطعتهم وما بقيت امشى معاهم حتى

مش عرفه انا كده غلطانة :fhgfh885:

بصى رايى انها لو كانت صداقه حقيقية مكنوش اصلا هيعرضوا عليكى الموضوع ده لانهم عارفين مسبقا انك هتزعلى منه لان الواحد اما بيجى يصاحب حد بيعرف طباعه وايه اللى يسعده وايه اللى يضايقة انا عن نفسى كده ماشى

تانى حاجة لو انتى بقى عاوزة تبقى احسن منهم ممكن تكلميهم وتعرفيهم ان ده بيضايقك لو بيحبوكى وعاوزينك تفضلوا اصحاب ميتكلموش فيه معاكى او على الاقل قدامك تمام
لو موافقوش احسنلك ابعدى عنهم واكيد اكيد هتلاقى اصدقاء حقيقين بيحبوكى ويفهموكى
وياريت اما تصاحبى حد تختارى حد صفاته زيك عشان متزعلوش مع بعض

انا عارفه انى طولت عليكى بس اعذرينى ولو لسه عاوزة تسئلى فى الموضوع ده انا معاكى اهوه

هم عارفين ولكن افتكروا انهم هيقنعونى اوهينفعونى بيه بس لقيتهم بيحكولى عليه وانا رجعة من المدرسة (معلومة انا عصبية جدا)
وبعدين هم عرفوه من كلامى انى زعلت منهم
وبعدين تصرفاتهم اتغيرت شوية
وبصراحة انا من بعد الموضوع ده انا بقيت مش بحبهم زى الاول ومش عاوزه اكلمهم تانى
على فكرة احنا بنكلم بعض فى المدرسة لكن مش زى الاول بس مش بمشى معاهم

معلش عالتأخير لأنى كنت بكوى

طيب ربنا يعينك

بلاش العصبية دى بتعمل مشاكل جامدة جدا بصى خليكى ريلاكس اهدى واى حاجة متتعصبيش عليها لان ده مش كويس عشانك انتى قبل حد تانى وممكن ده يكون السبب فى خصامكوا وتكونى انتى غلطانة برده ربما تكونى اتسرعتى او رديتى بعصبية
وبعدين هما اتغيروا من ناحيتك ليه ؟ وممكن يكون حد حب يوقع بينكم ولاد الحلال كتير انتى عارفة


بس سؤال
هو انتى اما بعدتى عنهم شوية حسيتى ان حاجة ناقصاكى وا الموضوع ده شاغل دماغك
؟

مش عرفه ممكن عشان الموضوع او عشان انا بقيت معاهم مش زى الاول
الموضوع كان شاغل دماخى وكنت كل ما افتكر الوضوع او افكر فيه بحس ان مقامهم عندى بيقل

بصى يا كيرى لو هما كانوا اصحاب بجد كنتى هتبقى حزينة جدا ومهمومة وبتحسى كمان انهم خانوكى
لكن ابعدى عنهم شوية هتهدى وهما كما هيعيدوا التفكير فيكى
يعنى سيبى الايام هيا اللى تحدد
بس برده كلميهم عادى
هما مش حاسين انك بعدتى عنهم ولا ايه؟ يعنى لو حاسوا بده هيحاولو يتقربولك تانى ويبقى هما اصحاب بجد وهيحسوا بالذنب

ولو محسوش يبقى انسيهم احسن
وفكرى فى حياتك وزى ما قولتلك اكيد ا هتلاقى اصحاب تانييين يقدروكىويفهموكى
وعادى الحياة بتعطينا تجارب كل يوم خلينا نتعلم

وحاجة اخيرة فكرى فى الموضوع تانى ربما تكونى انتى اللى فهماه غلط

واحب اعرفك حاجة ان انا اتعمل معايا مقالب من الاعدادى لحد ما خلصت الكلية والله
كل واحدة اصاحبها وبقسم بالله انى عمرى ما زعلت واحده صحبتى وده يمين اتحاسب عليه

بس انتى عارفة ان البنات فى المراحل دى تفكيرة بيتغير وتبتدى بقى قصصص الحب والغرام
وللاسف انا مليش فى الكلام ده فكانوا بيسبونى ويصاحبوا اللى يعرف يتكلم فى الحاجات دى
ومنهم اللى اتجوز وقطعت علاقتها باصحابها بوصاية من الامهات
انها متدخلش اصحاب بيتها عشان حاجات ربما تكونى عارفاها
عموما الواحد شبع مقالب وادينا بنتعلم