اسأل ....استشير

تذكير بمساهمة فاتح الموضوع :

يا جماعة أنا حبيت أغير مضمون الموضوع وحبيت إن كل عضو يدخل يضع سؤال محير عنده

ونجمع أكبر عدد من الآراء لإفادة بعضنا بعض ولهذا نحن أصدقاء لنساعد بعضنا بعض فى مشاكلنا


وأعتقد إن الموضوع لو نال رضاك سوف يؤدى إلى وحدة فى آراءنا جميعا وهذا مفيد لنا كعرب


حبيت أعرف رأيكم

هو الإنسان الكثير التسامح ليس لديه كرامة حقا ؟ وإذا كان كذلك بالنسبة للبعض أرجو تفسير رأيه

أتمنى يكون الموضوع غير مكرر ويكون مفيد لنا كلنا :ورد: :ورد:

مع كل الود ...... أميرة الخيال

شكرا ياأميرة
محسسانى ان احنا فى فرح

بلاش أقوللك عقبالك يعنى

مش لازم أدعيلك .......لازم طبعا

ربنا يخليكى ليا ياجميل(هى ديه الاصحاب ولا بلاش)

بصى يا مرمر
الاهواء دى ملناش دخل فيها دا حاجة من جواكى انتى
وربما تكونى يعنى من كتر الصداقه قدية ممكن تكونى زهقتى او انك حابة تختارى حد جديد بتجارب جديدة
المهم حاولى متدعيش حاجة مش جواكى يعنى متحسسيهاش انها اقرب صديقة واحسن واحدة والحاجات حتى لو مجاملة لانك بكده بتخدعيها

ثانى حاجة اسم الموضوع ممكن يبقى تجارب حياتية او اسئل سؤال مثلا او تجارب الاصدقاء او مقالب الصديقات هههههههههه

بجد انا بحسد صاحبتك فى المنتدى على صداقتها ليكى لانك بجد شخصية كويسة جدا
وشكرا

تم تغيير إسم الموضوع شكرا يا أجمل نيمو بالكون

والله إنتى اللى كنز يا بخت اللى هيلاقيه ...... على فكرة أنا لقيته

على فكرة البنت دى أنا عمرى ما حسيت إنها قريبة منى أو فهمانى كويس لكن أنا بحبها وهى بتعتبرنى صديقة وبتحكى لى على حاجات مش بتقولها لحد تانى .....

وبعدين مقدرش أبين لها إنها مش أعز صديقة عندى علشان كرامتها أنا مش هقدر أجرحها ولو بينت حاجة زى دى يبقى كده أنا جرحتها

انا مش قصدى متحبهاش لكن قصدى متحسسيهاش انها الصديقة الغلى والاقرب بالنسبة لك عشان فيما بعد لو حصل اى موقف بعد كده هتبقى صدمتها كبيرة وانتى ساعتها هتحسى بالذنب


طيب سؤال لو فى صديقة لكى كانت محتاجالك تروحيلها وانتى مليون سبب وسبب منعوكى وزعلت منك
ومعدتش بتكلمك وحاولتى تفهميها وجهة نظرك ولحد دلوقتى مكلمتكيش خالص وقاطعتك تعملى ايه
لانها صديقتى وحاولت استرضيها كتير اوى وابررر لها وهيا مش فاهمة
لو مكانى تعملى ايه؟

إنتى حاولتى تشرحى لها الأسباب ولا تبريرات كده وخلاص

ايوه حاولت اشرح لها وبعتلها ايميل تكلمنى عليه وبقالها اسبوع ومكلمتنيش خالص وبحد مفتقداها ومش عارفة اعمل ايه بس والله ربنا اللى عالم معرفتش اخرج خالص ولو كان بإيدى كنت رحتلها وربنا اللى يعلم ده
هه اعمل ايه

بصى أنا هقول لك على حاجة ممكن متكونش فكرة حلوة أوى

لكن إنتى ممكن تروحى لها البيت وتخلى حد من أصدقائكم يروح معاكى ساعتها هتسمعك وطبعا تحت تأثير كلامك إنت وصديقتك ممكن تلين