اسأل ....استشير

تذكير بمساهمة فاتح الموضوع :

يا جماعة أنا حبيت أغير مضمون الموضوع وحبيت إن كل عضو يدخل يضع سؤال محير عنده

ونجمع أكبر عدد من الآراء لإفادة بعضنا بعض ولهذا نحن أصدقاء لنساعد بعضنا بعض فى مشاكلنا


وأعتقد إن الموضوع لو نال رضاك سوف يؤدى إلى وحدة فى آراءنا جميعا وهذا مفيد لنا كعرب


حبيت أعرف رأيكم

هو الإنسان الكثير التسامح ليس لديه كرامة حقا ؟ وإذا كان كذلك بالنسبة للبعض أرجو تفسير رأيه

أتمنى يكون الموضوع غير مكرر ويكون مفيد لنا كلنا :ورد: :ورد:

مع كل الود ...... أميرة الخيال

انا نيمو كتب:

موضوع جميل يا مرمر
بصى التسامح ملوش حدود
ومش معنى انى اسامح انى معنديش كرامة بالعكس دا انا ببقى الاحسن فى نظر ربنا والناس انى شخص مسامح
وكمان دينا طلب منا نكون عافيين عن الناس وكاظميين للغيظ وربنا طبعا مش هيقول لنا حاجة وتكون بتجرح كرامتنا
وبعدين التسامح دا حاجة صعبة وميقدرش حد يبقى مسامح غير الشخص القوى ومش اى حد وبعدين صدقينى الزعل والخصام دا حاجة تافهة اوى وبعد شوية بتندمى وبتزعلى انك خاصمتى حد او زعلتيه منك

الدنيا ابسط من كده بكتير

مشكوووووووورة يا نيمو يا عمرى على الرد المشجع

كان فيه أحد الأشخاص قاللى إنى معنديش كرامة لأنى بسامح فحبيت آخذ رأيكم هنا فى المنتدى
فكنت عايزة أأكد لنفسى إنى عندى كرامة

مشكوووووووور كل من رد على الموضوع سواء ساتو أو عبد الله أو أحمد أو كيرى

وعايزة ردود أكتر وكل من يواجه حيرة فى شئ فليضعها وسنحاول الإجابة عنها

لا يا حبيبتى دا اللى بيقولك كده دا مش فاهم حاجة خالص
بالعكس دا انتى شخصية قوية جدا كمان
وخليكى ثابتة على مبدأ التسامح ده
وبرده متزعليش من الشخص ده لان ربنا دخل واحد الجنه عشان مبيشلش فى قلبه حاجة وحشة لحد
واسفه للاطاله

طيب سؤال تانى

أنا لو كنت عايزة أوصل لحاجة معينة علشان أرضى شخص معين

وفجأة لقيت أشخاص تانية فى وضع منافسة معايا وصلوا للى كنت عايزة أوصل ليه لكن بالغش والسرقة

إيه رد فعلى ؟

يا جماعة ليه أنا الوحيد اللى بضع أسئلة مفيش حد بيضع أسئلة غيرى ليه

عشان حضرتك صحفية المستقبل ياهانم

اكيد هتضايق بس هحاول اعرف الشخص ده انهم نجحوا بالغش
طيب تعملى ايه بقى لو اعز صديقة لكى خانتك وباعتك
ومش بطريقة سهلة لا دا كانت واخداكى كوبرى عشان توصل لشخص يعنى
كانت تقول اكتبى كلام على اساس انه منها بحجه ان خطها وحش وبكل سذاجة وطيبة وعبط جايز
وتقولك بكل بساطة كنت بضحك عليكى وانتى اللى بتحطى فى الموقف ده وتضحك
ايه رايك فى الخيانة اللذيذة دى؟

أنا مينفعش أقولك خاصمى صديقتك دى أو إزعلى منها حتى
لكن
مقدرش أنكر إنى لو مكانك هتحصل مشكلة بينى وبينها

حاولى تتفهمى هى عملت كده ليه وحاجة من الإتنين
أولا إما إنها كان قصدها تضعك فى الموقف ده من البداية وكده مش هتكون صديقتك خالص
ثانيا إن فى مشكلة حصلت بينها وبين الشخص اللى إنتى كتبتى ليه وهى مش عايزة تبين إن كرامتها إتجرحت منه فبتغطى على ده بحاجة زى كده

يا مرمر يا حبيبتى هيا فاهمة كويس هى عملت ايه وبقصدها وهيا اللى قالتلى بنفسها
كنا فى الاعدادى ومكنتش فاهمة اى حاجة وكنت بصدق اى حد لانى مكنتش عارفه ان فى حد بيكذب اصلا وخصوصا صحبتى
وخدى بالك انها بقت تستفزنى مخصوص وتقولى الشخص ده عرف مين اللى كتب وقال لصاحبه وانا عرفت بعد كده ان محدش قال حاجة وانها كانت بتضحك عليا
عموما انا دلوقتى سامحتها ومازلت بحبها وربنا يبارك لها فى جوزها وبنتها
ما علينا