حسناء القطار... روايه رومانسيه خطيرهـ...

[ندعوك للتسجيل في المنتدى أو التعريف بنفسك لمعاينة هذه الصورة] الحلقــــة الحادية عشر


فوجئت بأمى تخبرنى

بأنها قد وجدت لى عروس مناسبة


نظرت لأمى فى دهشة :


- عروسة أيه بس يا أمى ؟


أمى :- دى عروسة ممتازة .. و أى حد يتمناها ..


:- و مين دى بقى إن شاء الله ؟


أمى :- دى المهندسة ريم ..


أنا شفتها بالصدفة و أنا عند خالتك ..


و عرفت أنها مهندسة ..


و من عيلة .. و أيه جميلة ..


قمر و الله يا حازم ..


:- بس أنا مبفكرش فى الجواز دلوقتى يا أمى ..


أمى :- أنت هتيجى معايا بس نشوفها ..


و صدقنى هتوافق أول ما تشوفها ..


أنا قلت لهم إن إحنا هنروح لهم يوم الجمعة ..


فى غضب :- و كمان حددتى ميعاد من غير ما تقولي لى !!


أمى :- أنا خفت إن حد يسبقك و يتجوزها ..


تعالى بس و احكم بنفسك ..


[ندعوك للتسجيل في المنتدى أو التعريف بنفسك لمعاينة هذه الصورة]


أعلم أن أمى ما تريد لى إلا الخير ..


حتى زملائى أكدوا أنّ أمى على حق فيما فعلته ...


ماجد :- تصدق .. أمك دى ست زى الفل ..


صمت قليلا ثم نظرت إليه :


- بس أنا مبفكرش فى الجواز ..



كريم :- ليه بقى إن شاء الله ..

ناقصك أيه يعنى ؟!


:- يعنى خايف أكون بخونها .. و أفضل أحب سارة ..


ماجد :- ده هى الطريقة اللى تخليك تنسى سارة ...


و بعدين أنا أسمع إن العروسة دى صاروخ ..


بس هى توافق تتجوزك


كريم :- أنا مراتى نستنى كان اسمى أيه قبل الجواز ..


أصابنا الضحك ..


و بالفعل نجحوا فى إقناعى ..


و أن زواجى هو الحل الوحيد كى أنسى سارة ..


و أتخلص من ذلك الماضى ..



[ندعوك للتسجيل في المنتدى أو التعريف بنفسك لمعاينة هذه الصورة]




ما زالت سارة تعيش فى سعادة مع العجوز و زوجته ..


و كم أعطت لهما من حنان


جعلهما لا يشعران أنها غريبة عنهما ..


حتى سارة وجدت من السيدة رجاء أم لها ..


سارة :- قولي لى بقى يا ماما ..


أنتى اتجوزتى بابا حسن عن حب ..؟


ضحكت السيدة رجاء :


- حب أيه يا سارة ..


أنا صحيت لقيت أبويا بيقولى انتى هتتجوزى ..


قلت حاضر ..



سارة :- من غير ما تحبو بعض ؟


هزت السيدة رجاء رأسها و امتصت شفتيها :


- أحبه أيه ..؟


ده أول مرة يشوفنى كان يوم الفرح ..


بس أمه كانت عرفانى ..



سارة :- بس أحلى حاجة فى الدنيا الحب ..


السيدة رجاء فى دعابة :


- اه .. شكلك كدة بتحبى ..


قوليلى حد من الجيران و لا أيه ..



سارة :- جيران أيه بس ..


ياه دى قصة قديمة ..



:- طيب أحكيها لى ..



سارة :- لا ... دى عاوزة وقت طويل ..

نامى دلوقتى و بعدين أبقى أحكيلك كل حاجة ...



[ندعوك للتسجيل في المنتدى أو التعريف بنفسك لمعاينة هذه الصورة]




ذهبت أنا و أمى إلى بيت العروس ..


بالفعل كانت جميلة ..


و كم كانت مثقفة ..


و لا أخفى أنها أعجبتنى ..


و بدأت أشعر بأنها تمتلك القدرة أن تنسينى سارة ..


و بعدما اتفقنا على كل شئ ..

أمى :- إحنا هنعمل الخطوبة يوم الخميس الجاى ..


والد ريم :- و احنا موافقين ..

و لا أيه رأيك يا عروسة ؟


هزت ريم رأسها بالموافقة دون أن تنطق من الخجل ....



[ندعوك للتسجيل في المنتدى أو التعريف بنفسك لمعاينة هذه الصورة]



أقيم حفل الخطوبة .. وكم كان رائعا ..

و الجميع يحسدنى ..

أحد المدعوين :- هو حازم ده دايما حظه حلو مع البنات ؟!



الآخر :- اه ..

فاكر البنت اللى كانت معاه فى فرح كريم ..


:- هى دى يعنى اللى مش حلوة ..


ربنا يكرمنا و يوعدنا زيه كدة ..



[ندعوك للتسجيل في المنتدى أو التعريف بنفسك لمعاينة هذه الصورة]




بعدها طلب عازف الموسيقى

أن أرقص أنا و ريم على ألحان الموسيقى ..


ريم :- أنا مبعرفش أرقص ..


ضحكت :- و لا أنا .. بس بصى فى عينيا ..


و ركزى مع الموسيقى ..


لا أعلم ماذا أصابنى ..


و لكننى شعرت و كأننى أرقص مع سارة ..


و تخيلتها و كأنها أمامى ..


رغم أن ريم جميلة هى الأخرى ..


و كم كانت سعيدة و أنا هائم فى عينيها ..


و لا تعلم أن تفكيرى ليس معها ..


حتى انتهى الحفل .. و كم كنا فى سعادة ..


[ندعوك للتسجيل في المنتدى أو التعريف بنفسك لمعاينة هذه الصورة]



يتبـــــــــــــــــع

[ندعوك للتسجيل في المنتدى أو التعريف بنفسك لمعاينة هذه الصورة] تابع الحلقة الحادية عشر


تمر الأيام ..


و بدأت أحوالى تتحسن يوما تلو الآخر ..


و بالفعل نجحت ريم أن تنسينى كثيرا من الماضى ..


و كم غيرت حياتى ..


و بدأت اتفوق فى عملى و تتحسن حياتى ..


و كانت ريم هى الأخرى متفوقة فى حياتها العملية ..


فكم كانت مهندسة متفوقة ..


و كم كانت تحبنى ..


و بدأت أشعر أنها أصبحت حياتى ..


و الجميع يشهد أن ريم ستكون لى نعم الزوجة ..



[ندعوك للتسجيل في المنتدى أو التعريف بنفسك لمعاينة هذه الصورة]




حتى جاء يوم ..


كنت عائد من عملى مرهقا ...


و جلست فى غرفة مكتبى ببيتى وحيدا ..


و كنت أقلب فى كتبى فوجدت خطاب سارة ..


فبدأت أقرأه مرة أخرى ..


و بعدما انتهيت من قراءته


وجدت يدى تخرج ألبوم صور سارة من مكتبى ..


و بدأت أقلب صفحاته و اتأمل فيه ..


و أصبحت هائما ..


حتى فوجئت بـ ريم تفتح باب الغرفة فجأة :


- أنا جيت ....


[ندعوك للتسجيل في المنتدى أو التعريف بنفسك لمعاينة هذه الصورة]



انتظروا الحلقه الثانيه عشر

[ندعوك للتسجيل في المنتدى أو التعريف بنفسك لمعاينة هذه الصورة] الحلقــــة الثالثــــة عشر



على الفور عادت سارة إلى البيت



بعدما أخبرتها السيدة رجاء بأن هناك من ينتظرها ....



و عندما دخلت البيت :




- مين اللى مستنينى ؟




السيدة رجاء فى فرحة شديدة :




- ادخلى ظبطى نفسك كدة ,



عشان فيه عريس



قاعد جوة مع باباكى حسن فى الصالون ...




سارة فى دهشة :- عريس !!!




السيدة رجاء :- اه .. ده قاعد من بدرى ..



و شكله من عيلة محترمة و ابن ناس ...



يلا ادخلى ظبطى نفسك ..




سارة :- أظبط نفسى أيه ..



مش اما أعرف هو مين الأول ..


[ندعوك للتسجيل في المنتدى أو التعريف بنفسك لمعاينة هذه الصورة]


دخلت سارة إلى الصالون بعدما طرقت باب الغرفة ..




الحاج حسن فى ابتسامة :




- تعالى يا سارة




رأت سارة من ذهب ليتقدم لها ..



إنه أحد زبائن المطعم الدائمين ..



و يدعى صلاح ..



و قد لاحظت سارة من قبل اهتمامه بها ..



الحاج حسن :- الأستاذ صلاح جاى .. و طالب أيدك ..



صمتت سارة قليلا ثم نظرت إلى الحاج حسن :



- طيب ممكن تسيبنا لوحدنا شوية يا بابا ؟



الحاج حسن :- حاضر يا سارة ..



العريس :- أنا بصراحة يا سارة



حبيتك من أول مرة شفتك فيها ..



و كنتى باجى المطعم مخصوص عشانك ..




سارة :- بس ليه مقلتش ليا قبل ما تيجى تتقدم ؟!




العريس :- أنا قلت أخليها مفاجأة ..




سارة :- بس احنا منعرفش عن بعض أى حاجة ..



و الجواز مش حب من أول نظرة و خلاص ..



العريس :- أنا بصراحة عرفت كل حاجة عنك



من غادة صاحبتك و من الحاج حسن لما قعدت معاه ..



و كبرتى فى نظرى ..



أما لو عاوزة تعرفى عنى أى حاجة ..



فأنا شغال محاسب ..



و عندى شقة جاهزة ..



و أهلى عايشين برة مصر ..




قاطعته سارة :



- طبعا حضرتك انسان محترم ..



و أى بنت تتمناك ..



بس أنا مبفكرش فى الجواز دلوقتى ..



سكت قليلا :



- أنا هسيبك تفكرى على راحتك ..



أنا عارف أنها مفاجأة منى ..



و لو غيرتى رأيك أنا لسة عاوز اتجوزك ..


[ندعوك للتسجيل في المنتدى أو التعريف بنفسك لمعاينة هذه الصورة]


انصرف صلاح ...



و بعدها دخلت السيدة رجاء إلى سارة




:- هه قلتى أيه ؟



سارة :- قلت له أنى مبفكرش فى الجواز ..



و قال انه هيسيبنى أفكر ..




السيدة رجاء :- ليه بس يا سارة ..



ده شكله عريس محترم ..



سارة :- عارفة والله يا ماما ..



و زملاتى كلهم بيشكروا فيه ..



بس حاسة اننا مش مناسبين لبعض ..



و الجواز قسمة و نصيب ..




السيدة رجاء :- خلاص يا بنتى زى ما تحبى ..



و اللى فيه الخير يقدمه ربنا ..



[ندعوك للتسجيل في المنتدى أو التعريف بنفسك لمعاينة هذه الصورة]



أما أنا و ريم فبدأنا رحلة المعاناة ..



و ليست المعاناة بمعناها الحقيقى ..



و لكننى أقصد تجهيز عش الزوجية ..



فلم يتبق سوى شهران على الزواج ..



و مازالت تلزمنا أشياء كثيرة



جعلتنا نسارع الوقت حتى يتم كل شئ فى الوقت المناسب ..



فقد اتفقت أنا و ريم أننا سنعيش فى شقتى مع أمى ..



و مع بعض التجديدات ستكون فى غاية الجمال ..


[ندعوك للتسجيل في المنتدى أو التعريف بنفسك لمعاينة هذه الصورة]


لم اتخيل أننى سأصبح مسئولا عن زوجة بعد شهرين ..



و لكننى رضيت بالواقع



و حاولت على قدر ما استطيع أن أجعل ريم سعيدة



طوال فترة الخطوبة ..



حتى جاءت ريم فى يوم :



- أنا مش عارفة أقولك أيه ؟



نظرت إليها فى دهشة :



- مش فاهم



ريم :- أنت هتتعب اليومين الجايين دول لوحدك ..



:- ازاى ؟



ريم :- أنا جالى شغل مفاجئ فى الاسكندرية



لمدة تلات أيام .. و حاولت اعتذر معرفتش



نظرت إليها فى ابتسامة :



- و فيها أيه .. ؟



سافرى و اطمنى ..



عاوزانى أسافر معاكى ؟



ريم :- لا .. خليك أنت كفاية عليك مشاغلك ..



و أنا هحاول أخلص فى أقصر وقت ممكن ..



أوصلت ريم الى محطة القطار المتجه إلى الاسكندرية ..



و ودعتها ثم عدت ..



وواصلت مهامى مع تجهيز الشقة ..



فأننى أريد أن أحقق لها مفاجأة حين تعود من الاسكندرية ..




[ندعوك للتسجيل في المنتدى أو التعريف بنفسك لمعاينة هذه الصورة]



وصلت ريم إلى الاسكندرية ..



و هناك استقبلها مديرها بالعمل ..



ثم ذهبت لترتاح من عناء السفر ..



و بعدها بدأت عملها .. فهى مهندسة معمارية ..



و كانت مشاركة فى تصميم إحدى المشروعات الكبرى ..



و كان الجميع يشهد لها بالتفوق ...



كانت ريم تعمل فى سرعة ..



تريد أن تنهى ما يطلب منها



حتى تعود إلى القاهرة فى أسرع وقت ..



كى تعد نفسها هى الأخرى للزواج ...


[ندعوك للتسجيل في المنتدى أو التعريف بنفسك لمعاينة هذه الصورة]


أما أنا فما زلت أعمل جاهدا على تجهيز الشقة ..



و أتابع من يعملون بها ..



حتى ماجد جاء معى هناك ..




نظرت إلى العمال :




- يلا يا رجالة ..




ماجد :- أنت مستعجل أوى ليه ؟! ..



ده فاضل شهرين ..



:- أنا عاوز أعمل مفاجأة لريم لما ترجع من الاسكندرية



و أخلص جزء كبير ..




ماجد :- هى هترجع امتى ؟



:- يعنى .. يومين تلاتة كدة ..



هى حاولت تعتذر بس معرفتش




ضحك ماجد :- أخيرا هشوفك عريس ..




[ندعوك للتسجيل في المنتدى أو التعريف بنفسك لمعاينة هذه الصورة]



نجحت ريم فى انهاء عملها على خير ما يرام ...


و نتيجة لذلك قرر رئيسها بالعمل


أن يقيم حفل غداء بإحدى المطاعم الفخمة


قبل عودتها إلى القاهرة ...


و قد ذهبت ريم مع باقى المهندسين لحضور ذلك الغداء ..


و كم كانوا فى قمة السعادة من إنهاء ذلك الجزء من العمل


الذى كلفت به ريم ..


[ندعوك للتسجيل في المنتدى أو التعريف بنفسك لمعاينة هذه الصورة]


مدير ريم :- أظن يا ريم أنتى أكتر واحدة فرحانة


أن مهمتك انتهت ..


و هترجعى القاهرة تانى ..


ريم :- بصراحة اه ..


ده زمان خطيبى محتاس لوحده ..


مهندسة أخرى :- أنتو هتتجوزا امتى ؟


ريم :- بعد شهرين إن شاء الله ..


المهندسة :- احنا طبعا معزومين ..


ريم :- أكيد طبعا


كان الجميع فى قمة السعادة ..


حتى تغيرت ملامح ريم فجأة حين رأت فتاة من بعيد ..


:- معقول ... صاحبة الصور ..


ثم تعود و تحدث نفسها :


- لا .. أكيد واحدة شبهها ..


و ظلت ريم تكذب عينيها ..


و أكملت الحديث مع من معها ..


و لكن فضولها و شكوكها لم تنته ..


و استأذنت منهم فجأة ..


و ذهبت إلى فتاة أخرى تعمل بالمطعم ..


ثم أشارت إلى سارة :



- هى مين اللى هناك دى ؟



ضحكت الفتاة : - دى سارة جميلة الجميلات ..


و الكل هنا بيناديها كدة ..



ريم :- سارة .. أيوة سارة ..



[ندعوك للتسجيل في المنتدى أو التعريف بنفسك لمعاينة هذه الصورة]



عادت ريم و جلست مرة أخرى ..


و قد لاحظ الجميع تغير ملامحها ..


من معها :- أيه يا ريم ..


مالك اتغيرتى فجأة ؟


ريم :- أنا بس حسيت بشوية تعب ...


بعدها استئذنت مرة أخرى ..


و ذهبت إلى نفس العاملة :



- قوليلى .. هى سارة مريضة بمرض خطير ؟


نظرت إليها الفتاة بغرابة :



- مريضة أيه .. فال الله و لا فالك ..



بعدها ذهبت الفتاة إلى سارة و أشارت إلى ريم :


- على فكرة ..


اللى هناك دى سألتنى عليكى أكتر من مرة ..



نظرت سارة إلى ريم ..


و بالفعل وجدتها تحدق بها ..


و تلاحقها بعينيها حتى اندهشت ..


سارة :- أنا معرفهاش ..


و لا عمرى شفتها قبل كدة ..


حتى زادت دهشة سارة حين وجدت ريم تقوم مرة أخرى ..


و تتجه نحوها و تسألها دون مقدمات :


- أنتى تعرفى الدكتور حازم فؤاد ؟


[ندعوك للتسجيل في المنتدى أو التعريف بنفسك لمعاينة هذه الصورة]



انتظرونــــــــــــي

[ندعوك للتسجيل في المنتدى أو التعريف بنفسك لمعاينة هذه الصورة] الحلقــــة الرابعــــة عشر


فوجئت سارة بمن تتجه نحوها ...


ريم :- أنتى تعرفى الدكتور حازم فؤاد ؟


كادت سارة أن تسقط من الصدمة ..


و لكنها تماسكت و ردت فى هدوء :


- مين الدكتور حازم فؤاد ؟


على الفور أخرجت ريم صورة من حقيبتها ..


و كانت صورة حفل خطوبتها هى و حازم :


- ده اللى فى الصورة ..


نظرت سارة إلى الصورة و تحاول أن تتمالك نفسها :


- هو جوز حضرتك ؟


ريم :- لأ .. احنا لسة مخطوبين ..


أنتى تعرفيه ؟


لم تستطع سارة تلك المرة أن تقاوم دموعها ..


فكم تمتلك من إحساس عالى و رقة


و سقطت دموعها ..


و تركت ريم و خرجت مسرعة ..


لا تدرى إلى أين هى ذاهبة ..


لا ترى سوى شريط الماضى يتكرر أمام عينيها ..


حتى وقفت على صخرة أمام شاطئ البحر


و دموع عينيها لا تتوقف ..


[ندعوك للتسجيل في المنتدى أو التعريف بنفسك لمعاينة هذه الصورة]


أما ريم فاستقلت القطار المتجه إلى القاهرة ..


و لم تكن حالتها أفضل من سارة ..


و ظلت تحدث نفسها :


- أكيد كان فيه حاجة بينهم ..


و تتذكر حازم و نظرته للصور ..


و حين أخبرها أنها مريضة


:- الكداب ... مريضة ..


و تسأل نفسها :- هى ليه هربت من مواجهتى ..


و أنا هثق بحازم ازاى بعد ما طلع كداب ؟


:- فعلا سفرية الأسكندرية دى جت فى وقتها


عشان أعرف كل حاجة ..


ثم تعود و تحدث نفسها :


- بس ممكن يكون حازم مظلوم فعلا ..


و اللى عندى دى شكوك



:- طيب أواجهه و لا لأ ؟


:- خايفة لأضيع كل حاجة فى لحظة غضب ..


و بعدين حازم شاب


و كل الشباب بيبقى لهم ماضى


و بينسوه أول ما يتجوزا ..


و طالما بيحبنى دلوقتى خلاص ..


و ظلت ريم هكذا


حتى وصل القطار إلى القاهرة ..


و هناك كان حازم فى استقبالها



[ندعوك للتسجيل في المنتدى أو التعريف بنفسك لمعاينة هذه الصورة]




عادت سارة بعدما هدأت بعض الشئ


إلى المطعم مرة أخرى ..


و لا يزال الحزن يبدو عليها ..


حتى سألتها غادة :


- أنتى كنتى فين ..


و مين اللى كانت واقفة معاكى ؟


لم تجب سارة .. و ظلت صامتة ..


بعدها عادت إلى البيت


و حين وجدت السيدة رجاء ارتمت فى حضنها و ظلت تبكى ..


ثم مسحت دموعها ..


و أخرجت هاتفها كى تحدث أحد الأشخاص ..



سارة :- صلاح .. أنا موافقة على الجواز ..




[ندعوك للتسجيل في المنتدى أو التعريف بنفسك لمعاينة هذه الصورة]



أما أنا فاندهشت من سكوت ريم على غير العادة


طوال الطريق من محطة القطار الى بيتها ..


و كلما أحاول أن أحدثها :



- الرحلة كانت عاملة أيه ؟



ريم :- كويسة .. ثم تصمت



:- و الشغل ؟



ريم :- عادى .. ثم تصمت



أخبرتها فى فرحة :


- أنا عامل لكى مفاجأة ..


ردت :- طيب ..


حتى سكت أنا الأخر ..


و قلت لنفسى ربما حدثت بعض المشاكل بالعمل ..


و ستخبرنى بها فى وقت لاحق ..


و تركتها ببيتها تستريح و عدت أنا إلى بيتى ..



[ندعوك للتسجيل في المنتدى أو التعريف بنفسك لمعاينة هذه الصورة]




فى اليوم التالى أردت أن أجعل ريم ترى المفاجأة


التى سعيت و اجتهدت كثيرا لأنجزها


قبل أن تعود للقاهرة ..


و أخذتها إلى الشقة التى أصبحت جاهزة بشكل كبير ..


:- غمضى عينيكى


ريم :- ليه ؟


:- غمضى بس


ريم :- طيب ثم أغمضت عينيها


:- فتحى عينيكى


ابتسمت ابتسامة مصطنعة :- كويسة


نظرت إليها :


- ريم هو فى حاجة حصلت لكى فى الاسكندرية ؟


ريم :- لا ... هيحصل أيه يعنى ؟


:- أمال فى أيه ؟


ريم :- مفيش حاجة ..


أنا عاوزة أروح البيت ..


لأنى تعبانة شوية ..



[ندعوك للتسجيل في المنتدى أو التعريف بنفسك لمعاينة هذه الصورة]



كانت سارة فى عملها


حين فوجئت بـ غادة و بقية زملائها فى المطعم


يقومون بالطبل على الصوانى و يغنون :


- ما تزوقينى يا ماما قوام يا ماما ..


ده عريسى هايخدنى بالسلامة يا ماما ..


و ظلوا يغنون ..


و كم كانت سعادتهم حين علموا بخبر زواج سارة ...


غادة :- أنتو هتتجوزا امتى ؟


سارة :- صلاح مستعجل ..


لو كان عليه عاوز بكرة قبل بعده ..


بس أنا قلت له بعد شهر أو شهر ونص كدة ..



غادة :- بالسرعة دى؟!



سارة :- هو مستعجل


لأننا اتفقنا اننا هنسافر بعد الجواز برة مصر ..


غادة :- ربنا يوفقك و عقبالى يارب ..


[ندعوك للتسجيل في المنتدى أو التعريف بنفسك لمعاينة هذه الصورة]


تمر الأيام و لم يتبق سوى شهر على زواجى أنا و ريم ..


و بدأت ريم تعود لطبيعتها مرة أخرى ..


و لم أرد أن أعود و اسألها عما حدث فى الأسكندرية


و سبب حزنها ..


و فضلت أن أتركها سعيدة ..


حتى خرجنا ذات يوم أنا و ريم و والدتى و والدتها


نشترى بعض كماليات الشقة ..


و بعدما اشترينا أشياء كثيرة ..


و كنا بأحد المولات الكبرى ..


توقفت ريم أمام أحد محلات الملابس :


- الله الفستان اللى هناك ده جميل أوى ..


نظرت إليها فى ابتسامة :


- خلاص طالما عجبك .. يلا ندخل نشتريه ..


حتى فوجئت بأمى تشير إلى فستان مجاور له :


- الفستان اللى هناك ده


زى اللى أنت كنت اشتريته لـ سارة ......



[ندعوك للتسجيل في المنتدى أو التعريف بنفسك لمعاينة هذه الصورة]



انتظروا الاحداث القادمه ^^