بسم الله الرحمن الرحيم
نخش دغري بدون مقدمات
لاتقطع ارحامك ويشملك الوعيد ولا ترخص الغالي ولا تخسر غلاه
واخوك لاتخسره لو انه عنيد يخطي مئة مره وتمسحه له خطاه
وان كان شد الحبل حاول ماتزيد ارخيه قبل الشد يوصل منتهاه
ولاتنصحه وقت الزعل مايستفيد اعرض عليه النصح في ساعة رضاه
ولي طلبك الراي عطه رايٍ سديد وان ماطلبك الراي لا تبحث خفاه
واعرف ترا قرب المنازل مايفيد احيان يبديلك شي ماودك تراه
لكن لاتقرب ولا تبعد بعيد خلك على قول المثل حذفة حصاه
واحفظ حبال الود حفظك للوريد اللي معلق فيه موتك والحياة
ترا الاخو ترا الاخو ترا الاخو مهما حصل يبقى عضيد
وترا عيال العم ماعنهم غناء
الناس ماتهاب اللي وحيد اللي لامنه وقف محد معاه
وسلامتكم
عاد لاتدققون فالاخطاء الاملائية 
كتبتها على عجالة
والسلام عليكم
2021-04-15, 3:19 am
