شعر رثاء

هذي ابيات كتبها والدي في رثاء جدي رحمه الله


يا سعود خبرني بكل الحقيقه 
خل الرسايل عنك ما تنفهم زين .

جاني خبر هز القلوب وضميره 
قالوا توفى ابوك وانتم بعيدين .

وهلت دموع العين من عبرة به 
وقمت اتفكر كيف ابا ارجع من الصين .

يا ليتنا كنا بقرب الجزيره 
لكن قرادة حضنا حول بكين .

رحت اتخبط بين ديره وديره 
قالوا جوازك وين باقي اسبوعين .

ما تقدر تسافر قبل حنا نجيبه 
ونجهز الفيزا والاوراق بعدين .

يالله طلبتك جعل في الامر خيره 
وترحم ضعيف صاب قلبه حنين .

ويالله ياالمعبود عالم بصيره 
تردنا من بعد غربه عزيزين .

وترحم ابوي ابو الكرم والعزيمه 
وتجعل مقره جنة الخلد علين .

وتغفر لاميمتنا وتجعل مصيره 
في جنة ما بين نخل ونهرين .

وتجمع قلوب بعدهم مستنيره 
على هدى الرحمن والبر لسنين .

ويا ابو محمد بلغ الناس حوله 
ازكى تحياتي ولو غابت العين .

ويالله انا طالبك تجبر كسيره 
في قلوبنا من بعد فرقى الحبيبين .

وتجزى اهل بيتي بنور وسكينه 
وتيسر الغربه على اهل شمبين . (اسم الديره اللي حنا فيها)

في طاعة الرحمن ود ورحيمه 
وتجعل عيالي لاهلهم قرة العين .

وصلاة ربي كل ما طار طيره 
على النبي الهاشمي كامل الزين .

وعداد ما هلت دموع غزيره 
من موق عيني يوم قالوا حزينين .

رائع الشعر بس ابي اعرف اش معنا رثاء

رثاء هو الشعر الذي يقال في شخص ميت بتدرسينه في اول ثانوي

يووه والله دوبني ادري

شكرا على الرد الرائع اختي

السلام عليكم ورحمة الله وبركاته

ما شاء الله شعر في قمة الروعة

الله يرحم جدك ويدخله فسيح جنآته

تسلم على الطرح

وتاابع ابدااعك المميز

وتقبل مروري ^^

روينا كتب:

السلام عليكم ورحمة الله وبركاته

ما شاء الله شعر في قمة الروعة

الله يرحم جدك ويدخله فسيح جنآته

تسلم على الطرح

وتاابع ابدااعك المميز

وتقبل مروري ^^

شكرا على الرد اختي منوره