الشباب وَ الشباب وَ مَ ادراك مَ الشباب

السلام عليكم ورحمة الله وبركاته

كيفكم مع الهوشـهـ

اليوم جايبة لكم ....تصوروا ايش جبت لكم!!!

بلاوي الشباب

اشتاق...
مو بس البنات مثل ماتقول عندهم بلاوي

طالعوا بلاويكم

نبدأأأأأأأأأأأأ...

بـــلوتــــــــوث

الولد أول ما ينولد يقول ( وااااء أبا موبايل) !!

تلاقيه قاعد بحضن أمه والسماعة بأذنه (يقول واحد من هوامير الأسهم) وعنداله ولد عمه
(يطرشون لبعض بلوتوث) ..

يكبر (شوي) يدخل المدرسة بعده بالابتدائي (يطرش لصاحبه في الصف اللي يمه بلوتوث
هكونا متاتا!!) ..

يكبر( شويتين) يصير بالاعدادي يطرش لربعه في (حصة الانجليزي) بلوتوث (هيفاء وهبي
ونانسي عجرم )

لا والمصيبة انهم يستهبلون بالصف (رقص معلاية.. ضرب أساتذة.. حركات هبله ) >> قال
يصور بلوتوث من إنتاجه الشخصي وينزله في (YOUTUBE) ..!

يكبر (ثلاث شويات) ويصير الأخ بالثانوي يقوم يستفيد من هالتقنية صح (كبر وعقل) >>طبعا
الأخ (ما يفهم شي) قاعد ورا (زلمة) يغش منه الامتحان ويطرش الإجابات بلوتوث لباقي الصف
(الأستاذ مش لازم يصحح كل الصف إجابتهم وحده!)..

يكبر ويصير رجال (أبو عيال) .. وهو في الدوام.. المراجعين واقفين صف وهو قاعد يستقبل
بلوتوث من زميله (معاه في المكتب) >> والمقاطع للأسف (خارجة عن حدود الأدب واللباقة)..
يوصل البيت .. بالغلط المدام تفتح الموبايل تتفاجأ بالفيديو (يطيح من عينها)... والأفظع لما
يلعب الولد بموبايل أبوه ويشوف هالبلاوي (فينهار المثل الأعلى!!)

ولأني (مثل ما قلت سابقا) كثير أقدر الرجال ما راح أوصفهم بـ (....)!!

راهـــــــــــــــــــــــــــي

وأنت ماشي بالشارع… تطالع يمك تلاقي شاب (19 سنه) راكب مرسيدس S600 ورقم
هالموتر ثلاثي.. مسوي غترته (شرات كوبرا).. لابس نظارة عليها شعار كارتير!! .. بخاطرك
تقول أكيد هذا ولد تاجر.. لكن أذكرك (ليس كل ما يلمع ذهبا) ..

وشي علامات تقدر منها تميز الراهي صج من المسترهي (يعني اللي مسوي روحه راهي) :

1)تلاقي الشاب راكب موتر راهي وشال المخفي >> يعني شوفوني أنا فلان وعندي فلوس
(ما جنه الصبح يصيح عند أمه يبي بيزات عسب يترس بترول!!)
2)دايما يمشي على السيد اليمين (أبطأ) وإذا السرعة 80 يسوق 30 >>عسب يشوفونه
أكبر عدد ممكن.

3)أول ما يوقف عند الإشارة تلاقيه يتلفت يمين ويسار (يطالع إذا الناس يطالعونه ولا لأ) وإذا
كان (بصير) ما بيتلفت لكن يحاول انه ايود ابتسامته >> مستانس الأخ مصدق عمره راهي.

4)عند محطة البترول (إذا المحطة زحمة) يفول سيارته من (الأزرق) ويأشر للهندي (ما يبي
الجينج) >> وبطنه تعوره عالبيزات! وإذا مافي أحد في المحطة يترس بـ (50 درهم) من
الأحمر >> ويشرد بسرعة..

5)إذا صار عطل مستحيل يجيك بالوكاله يروح لـ (أقرب وأرخص كراج) .. وعشان يملك
هالسيارة يروح يتسلف من (راع الدكان).

وبعد كم شهر ولانه ما يقدر على المصاريف يبيعها ويشتري موتر ثاني وثالث ورابع...

ويوصل عمره 30 والاخ بعده ما عرس وإذا سألته ليش قال (غلاء المهور!!)>> وحق
المظاهر والخرابيط ما قلتوا غلاء!!!!

ومع ذلك ولأني مثل ما قلت كثير أقدر الرجال ما راح أوصفهم بـ (....)!!

بـــــــلاي شتيشن وكـــــــــرة قـــــــدم..

إذا (كنتي ) ملانه وتبين تشوفين (مسرحيه ببلاش) أقعدي شوفي أخوج وهو يلعب بلاي شتيشن
أو يطالع كرة قدم!!>> أشكالهم عجيبه الصراحة..

بلاي شتيشن:

ينش من ارقاده الظهر وقبل لا يغسل وجهه على طول صوب البلاي ستيشن ويقعد 10 ساعات
متواصل (لا صلاة ولا دين!) .. واحلى مشهد لما يلعب (سيارات) في بداية اللعب يكون الوضع
هادي.. دقيقتين.. يبدأ (يترنح) يمين ويسار .. دقيقتين.. يوقف على ركبته و(يترنح) ..دقيقتين ..
يعض على شفايفه (خخخ).. دقيقتين .. يفز من مكانه ويعض لسانه و(يترنح) .. دقيقتين .. إما
تشوفينه ينط ويصارخ يقول فايز بالرالي.. ولا يفر الجير و(يتحطم جدامج) ويرفس البلاي
ستيشن ويقول (غشاشين!!) ..

كرة قدم:

شباب الامارات عندهم طبايع (غير شكل) تسمعين الأخ يوصف نفسه بأنه (شخص رياضي)
وهو عمره ما لعب رياضه !! كيف رياضي؟؟ قال أتابع كرة القدم >> يعني رياضي بالنظر !!

والضحية الأولى بهالموضوع (الحريم) كل المشاوير مهما كانت مهمة راح تتأجل عشان الأخ
(رياضي) يتابع المباراة ..

بو فلان بنتك مريضه يرد اصبري لغاية ما تخلص مباراة (سيلان وباكستان) << الظاهر يدور
على مزارعين يشتغلون بالعزبة!!

بو فلان أغراض البيت ناقصه يرد اصبري طالعة مباراة (البرازيل والأرجنتين)!!<< وجان زين
لو يعرف ينطق أسماء اللاعبين!

بو فلان بروح بيت أهلي يرد بعصبية طالعة مباراة المنتخب (حبكت) ألحين تبين تشوفين أهلج!!!
>> يقول عاد المنتخب بيفوز من الله دوم خسران!

وأول ما يسجل الفريق اللي يشجعة الجول تسمعين (جووووووووول :sm109: ) لغاية ما تنطر طبلة أذنج
وجان فاز المنتخب صاروا لاعبيه أحسن لاعبين بالعالم والمدرب أحسن مدرب أما إذا خسر
اسمعي السب والشتم باللاعبين والمدرب ونصيحة إذا كنتي قاعده معاه في بداية المباراة
وحبيتي تنتقمين من ريلج أقعدي وشجعي الفريق الثاني (واتحملي اللي بييج هذيك الساعة!!)
وقبل لا تخلص بدقايق وبالذات إذا كان فريقه خسران (أدخلي غرفتج وسكري عليج الباب لأنه
أعصاب ريلج الرياضي تالفة عالآخر!)

ومع ذلك ولأني (مثل ما قلت) وايد أقدر الريايل ما راح أوصفهم بـ (....)!!

مـــــــــــــــــــــــــغازل

للأسف ظاهر لمغازل انتشرت في الفترة الأخيرة بشكل غير طبيعي ..

ياهل (يغازل).... مراهق (يغازل).... عزوبي (يغازل)..... متزوج (يغازل) >>

تلاقي الشاب من الصبح (والناس مالها خلق تجابل بعض) وهو يدور بالشوارع يبا يغازل!! يفر
رقمه لأي وحدة لابسة عباة << و تطلع فلبينية ..

وبعد المغرب على طول يطلع من البيت ومرته فقيرة اتعطره واتدخنه عبالها رايح اجتماع والاخ
رايح المول ولا يقعد يشيش بالكوفي وجدام مرته يصير (شريف مكة)!! ويتعمد يقعد بالطرف
(إما مجابل الدري أو عند باب اللفت) وإذا كان المول زحمة (يقعد عند الممر) يطالع فلانه
وعلانه ويعلق مع ربعه ..>> ما يدري ان اللي ماشيه أخته!!

وإذا كان كاشخ كل شوي يعدل بالغترة ويتحرى كل البنات معجبات به وإذا بنت سرحانه وتطالع
صوبه تسمعه ايقول لربعه : طالعوا هالبنت تباني أرقمها ..من مساعة تطالعني.. وانا لا
بسنها !!!!! >> أونه الريال ثقيل و(البنت مسكينه خبر خير) .

وإذا يا بيغازل وحدة يرمس يقول ولد (شاه بندر التجار) وهو ياخذ مصروفه من أبوه 300
درهم.. يروح يشتري بها (كروت تعبئة) يعطيها لرفيجته وتروح هي ترمس غيره >> انت قبل لا
تشتري أضمن :sm142: !!

ومع ذلك هذا كله ممكن يهون ولا تشوف ريال معرس يرقم وحدة ويصرف لها راتبه كامل
كروت وهدايا ومطاعم وسينمات وأول ما يدخل البيت يركض له ولده لصغير يقوله (بابا أبا دفتر
للفن) يصرخ عليه (طلبات المدرسة ما تخلص!! ما عندي فلووووووووووس!!!)

ولأني (مثل ما قلت سابقا) أنا كثير أقدر الرجال ما راح أوصفهم بـ (....)!!

شرايكم ياشباب انتوا وبلاويكم؟؟

افرحوا يابنات كشفتهم لكم

يلا عاد ردودكم.. اريدها بصرااحة

لكم اجمل تحية يا......شباب خخخخخخخخخخخخخ
مـلآحظـه
في اي موضوع بالشباب لآ اقصد الاهانهــ
+
حنا غلبناكم ب 4 مواضيع ي سـلاااااااااااااااااااااااااااااااااااااااااام

ههههههههههههههههههههه ما تضحك

اذا كانت مَ تضحك لييش تضحك..^__*

عشان ما تزعلين :P

إـهـــأإ

أإصـلآ مينن يقدر يزعلني..!

انا

ههههههههههههههه
حلوه
بس واااااااااااااااااااي وإلهي اول ماحطيت الموضوع الاول ماكان قصدي اخلق هالهوااااااااشه
بنات شباب
ترا كوووولنا اخوة
بس حلوووووووو اللي فوق
خخخخخخخ

يعني تعترفين ان الي بدها بنت مب ولد

كلامك طريف و امثلتك رائعة

بس مثل ما للشباب بلاوي للبنات بلاوي

و ما خفي كان أعظم

مثال بسيط (( البنت لما تبغى تروح المدرسة تجلس اما المراية ساعتين و ثلاثة ارباع الساعة

اتصفف شعرها ليه رايحه عرس مثلا و لو نشت قبل وقت المدرسة بساعتين

ما تروح المدرسة لان ما عندها وقت كافي لتختار لون مشبك الشعر و اذا لبست

المشبك خلته كسنام جمل مزود برافعة هايدروليكية )) ههه

و آسف لو أغضبتكم يا أخواتي و ان شاء الله كان مثال قليل الدسم يساعد على

تخفيف الكرسترول و مساعد للهضم و السلام مسك الختام

تعجبني يا بطل

» (((( عجائب الشباب )))) ممنوع دخوووول الشباب
» بـلآوي الشباب
» اهم 25 كــذبة عند الشباب
» ~انواع ضحكات الشباب ~
» صورايخ البنات على الشباب !!!