اسأل ....استشير

تذكير بمساهمة فاتح الموضوع :

يا جماعة أنا حبيت أغير مضمون الموضوع وحبيت إن كل عضو يدخل يضع سؤال محير عنده

ونجمع أكبر عدد من الآراء لإفادة بعضنا بعض ولهذا نحن أصدقاء لنساعد بعضنا بعض فى مشاكلنا


وأعتقد إن الموضوع لو نال رضاك سوف يؤدى إلى وحدة فى آراءنا جميعا وهذا مفيد لنا كعرب


حبيت أعرف رأيكم

هو الإنسان الكثير التسامح ليس لديه كرامة حقا ؟ وإذا كان كذلك بالنسبة للبعض أرجو تفسير رأيه

أتمنى يكون الموضوع غير مكرر ويكون مفيد لنا كلنا :ورد: :ورد:

مع كل الود ...... أميرة الخيال

اولا شكرا يا هايبرا وعاوزين نبقى ريلاكس كده

تانى حاجة انا خلصت جامعه وهيا فى ثانوى وتفكيرها منضجش لسه بما فيه الكفاية لكن ساعات ابقى مخنوقة ونفسى احكيلها بس برجع اقول لا بلاش واعتقد انها مش هتفهمنى ولا هتقدر تساعدنى خصوصا انها ملهاش خبره ولا تجارب لسه
فمش عارفة

إنتي غلطانه نيمو

ما جربتيها بلعس لأنها في الثنوي راح تفهمك وتتفهمك أكثر وأكثر

لا تقولي ماعندها خبره لا بذات الفتاة في هذي المرحله تفهم الناس اللي حولها أكثر وزي ماقلت

ممكن خجلانه أو محسبه إنها تحمل لكي هذي المشاعر وإنتي لا وعاد إنتي عارفه دلع البنات > ^_*

تبغاكي إنتي تقوليلها أول شئ .

فعندك مثال ::

أنــا بنت أختي مررره تحبني بجلس في أي مكان لازم تجلس جنبي ولا تزعل وطول الجلسه وهيه مبوزه .

طبعا أنا ماقلت لها إني أحبها وهيه قالتلي إنها تحبني بعد ماقالتلي هيه قلت لها إني أحبها

بس >>>> ههههههههه عيوني مو في عيونها عطيتها ظهري قلتلها وحتى أنا ..

للمعلوميه أنا إلى هذي اللحظه لم أقل هذه ألكلمتين (( أحبك )) (( أنا أسفه ))

لأني لما أقولها أحس إني مو أنا اللي كل الناس يعرفوها غريبه يعني .

المهم خلينا في موضوعنا

قوليلها بس إذا ماتبغي لاتحطي عيونك في عيونها .

ههههههههههههه
والله دمك سكر يا هايبارا
ربنا يخليهالك وتفضلوا تحبوا بعض
هحاول اجربها كده بحاجة بسيطة واما نشوف
شكرا للنصيحة
لو عندك سؤال حطى يلا

أكيد ممكن تقولى على تفكيرك ومشاعرك لها لكن أهم شئ تكونى مرتاحة بعد ما تقولى لها على حاجة....

انتم ممكن تكونوا أصدقاء حلوين جدا ده لو علاقتكم أقوى من فارق السن وأعتقد إن معاكى حق فى حكاية عدم الخبرة دى لكن الخبرة مش دايما هى اللى بتحدد أمورنا ...... أعتقد إنك فاهمانى

على فكرة أنا مش مع هايبرا فى عدم الإعتراف بحبك للى حولك ده خطأ تماما ..... لازم تعرٌفى اللى قدامك مقداره عندك وقيمته وصدقينى قيمتك انتى هتكبر عنده وطبعا ده رأيي

عايزة أسأل سؤال ........ هو غريب فى الواقع لكن محيرنى

لو شفت علاقة أنا أحد أطرافها بتدمر قدامى بعد ما كانت العلاقة دى بحلف بيها أنا وكل طرف فيها فجأة بقت فراغ تفتكروا إيه رد فعلى ... إيه اللى من المفترض أعمله ؟

اولا الصدمة ودى طبعا كفاية
اكيد بتحسى ان حاجة عالية اوى فى السما وفجاة بقت تحت على الارض
بصى يامرمر للاسف احنا عايشين فى زمن ممكن يحصل فيه اى حاجة ممكن تلاقيى اتنين بيحبوا بعض اوى وفجأة طرف يسيب التانى لاسباب واهية او مثلا يكونوا اتنين متجوزين وبيحبوا بعض وعايشين على الحلوة والمرة مع بعض وتلاقيه اتجوز عليها خانها اى حاجة
فدورك اولا توقعى حدوث اى حاجة فى اى وقت وهيا الصدمة الاولى بتبقى صعبة ولو قدرتى تمنعى انهيار العلاقة دى سواء بطريقة مباشرة او غير مباشرة فمتتأخريش
واستعينى بالله والدعء كمان ممكن يمنع حدوث اى بلاء والله وانتى اكيد عارفه

معك حق والله يا نيمو لكن عارفة أنا لو فى يدى أعمل أى حاجة علشان العلاقة دى تظل ثابتة كنت عملت لكن أعتقد إن فيه مليون سبب على الأقل بالنسبة لى بيهددوا العلاقة دى

أى أسئلة

انتى زعلتينى والله يا لؤلؤة
حاولى حد كبير يتدخل
وكمان حاولى تستوعبى الصدمة عشان الحياة تعدى
تعرفى ربنا يعافيكى ويخليلك ابوكى انى ساعة الوفاة كنا قاعدين مع بعض ويبصلنا جامد اوى وقال انه رايح لاخويا هيا مراته كانت عندنا ومكنش متعود يروح عندهم لو هما جم
لكن المرة دى راح وقالنا غطوا اخوكى كويس وقعدت انا اسرح شعرى واتفرج على كونانوبعدها بربع ساعة كده لقينا رزع على الباب والتليفون يرن ولقينا بنت اخويا بتقول جدو مبيرودش رميت اللى فى ايدى وروحت عندهم بشعرى والله وشفته فى اللحظة الاخيرة
عمر الصدمة بتاعه اللحظة دى ما راحت عن بالى وكل ما افتكر هبقى هتجنن ومش مستوعبة واقعد اعيط بس صدقينى مع الوقت الموضوع بيخف تدريجيا
فحاولى تستعينى بربنا وادعيله هو ان شاء الله مش هيخيب ظنك
واختارى اوقات الاجابة
وربنا يفرج كربكم ويدبر لكم اموركم فاننا لا نحسن التدبير
وصدقينى لو لقدر الل حصل انهيار العلاقة دى فده خير من ربنا بيدفع بيه شر تانى وممكن ده يكون اختبار حاولى تحسنوا فيه
انا طولت عليكى انا عارفة

لأ خالص مطولتيش انتى بتساعدينى كتير جدا لكن تعرفى إيه أنا ممكن يكون بيتهيأ لى لكن أنا حاسه انها فعلا هتنهار أو ممكن معدتش قوية زى الأول وفعلا زى ما انتى ما بتقولى ممكن ده يكون خير ربنا مقدره لينا رغم إنه بالنسبة لى شر جدا لكن فعلا انتى متعرفيش إيه المتخبى

على فكرة أنا بكون فرحانة لما بتردى عليا فى مواضيعى وأسئلتى

وانا بسعد جدا اما بلاقيكى فاتحه وانتى عارفه ولو شفتك داخله موضوع تلاقينى وراكى علطول
لانى عارفة انك مبتدخليش الا المواضيع المميزة

استهدى بالله وحاولى تفكرى بهدوء واكيد اكيد هتلاقى حل وربنا مش هيسيبك والله يا مرمر ساعات الدنيا بتضييق اوى وتتلخبط فوق دماغى وفجأة القاكى حل اذفجأة كده ومن دون سابق انذار فربك مش هسيبك وهدعيلك والله يا لؤلؤة اختك باتعه هههههههههههه

هههههههههههههه ماشى .......

وإن شاء الله أحاول أعمل زى ما بتقولى