اسأل ....استشير

تذكير بمساهمة فاتح الموضوع :

يا جماعة أنا حبيت أغير مضمون الموضوع وحبيت إن كل عضو يدخل يضع سؤال محير عنده

ونجمع أكبر عدد من الآراء لإفادة بعضنا بعض ولهذا نحن أصدقاء لنساعد بعضنا بعض فى مشاكلنا


وأعتقد إن الموضوع لو نال رضاك سوف يؤدى إلى وحدة فى آراءنا جميعا وهذا مفيد لنا كعرب


حبيت أعرف رأيكم

هو الإنسان الكثير التسامح ليس لديه كرامة حقا ؟ وإذا كان كذلك بالنسبة للبعض أرجو تفسير رأيه

أتمنى يكون الموضوع غير مكرر ويكون مفيد لنا كلنا :ورد: :ورد:

مع كل الود ...... أميرة الخيال

هحاول أقتنع يا نيمو

السلام عليكم ،

مفيش أسئلة بتهيألي ..

بس أنا عندي سؤال ..

سؤالي :

أنا زميلتي ( اللي قاعدة جمبي ) مش بحبها ولا بكرهها لكني مش عاوزاها تكون صحبتي لأنها صاحبة وحشة يعني ..

هيا جت مخصوص وقعدت جمبي ، وقالت لي ( ممكن نكون صحاب ؟)انا طبعا قلتلها ممكن ، لكن هيا في حصص الفراغ تعد تكلم معايا في حاجات سخيفة أحيانا ،،

وفي حاجات متطفلة وأسئلة كتيرة ..

وأنا هقولكم حاجة : صفات البنت دي طيبة وحلوة ( أنا عارفة انو مش مهم الجمال بس بقولكم ان دي من ضمن الحاجات )
ودلوعة أحيانا ، ومش شاطره ( مش متفوقة )

وصفات تانية أنها أحيانا تعد تكلم كلام وحش ..

وكمان أحيانا تعد تبصلي من فوق لتحت كأني مش عاجباها ..

أنا بصراحة زهقت منها ومن نظراتها من وكلامها ..

ونفسي تروح لمكان تاني ..

وخايفة أقولها ( انا مش عاوزاك تكوني صحبتي ) تزعل وأنا في نفس الوقت هتحرج لأنها هتقول لكل البنات وممكن تكدب عليهم وتقولهم اني عملت حاجة ما عملتهاش وتسوء سمعتي بيهنم ..

وعشان البنت دس سمعتها حلوة بين البنات فهي هتتصدق وانا ممكن يكذبوني ،

الا صحبابي هما اللي هيصدقوني ..

فانا عاوزة منكم دلوقتي ..

ازاي أبعد الينت دي عني من دون ما اجيب مشاكل ولا هي تزعل ؟

اقولك حاولى تتنقلى من المكان بتاعك وبتدلى مع حد من الفصل واذكرى اى سببب لده مثلا عشان مش بعرف اركز مش شايفة اى سبب
وبعدين كلميها بس حاولى تتجنبيها ابعدى عنها شوية بشوية لانه واضح انها شخصية مش سوية
اذا كلمتك فى حاجات مش عاجباكى متريحيهاش فى الكلام ومتجاريهاش فيه خالص يعنى ان كلمتك فى حاجة اعملك نفسك مشغولة فى حاجة تانية او قوليها رد تعرف منه انك عاوزة تقفلى معاها واستأذنى منها وقوليلها مثلا انا لازم امشى عشان اى سبب يخطر على بالك
ساعتها هتزهق منك وهتنجذب لحد تانى

معايا ولا ........

ما هو المشكلة ، مفيش حد بيرضى يبدل معايا ..

وكمان أنا هقولك حاجة ..

شايفة هوصف لك مكاني ،، أنا في الوسط ماشي ..

هيا جمبي على الشمال وصحابي بقى الحقيقين كلهم قدامي..

يعني أنا مينفعش أنقل لأني قاعدة جمب صحابي كلهم ..

ولو نقلت ممكن أقعد جمب ناس وحشين برضو ..

بس أنا بقول ازاي ابعد البنت عني من دون ما أنقل انا

يعني هيا تنقل لأنها هيا اللي جت جمبي ..

فهمتيني يا نيمو ..

انا الظاهر عقدت لك الحكاية اكتر ..


بس الحكاية دي هيا اللي محيراني بجد

وانا آسفة اذا كنت هضايقك ..

جوجو


يمكن تقدري تغيري أسلوبها وتصيرين خير معين لها


صح وإلا لا ؟؟

متقوليش كده
طيب خليكى انتى على الطرف وخلى حد من اصحابك جمبك ماشى
وزى ما قولتلك تجنبى الحديث معاها خالص وكل ما تحاول تكلمك استأذنى لاى سبب ماشى ومتجاريهاش فى الكلام لان كل ما كلمتيها او تجاوبتى معاها مش هتسيبك ابدا دا غير انها هتسوء سمعتك وهتقول للاخرين طيب ماهيا كانت بتتكلم معايا فى الكلام ده

وبعدا اصلا المفروض واحده من اصحابك تساعدك فى انك تخلعى منها يعنى قولى لصاحبتك لما تلاقى البنت دى معايا نادى عليا عشان محتاجاكى فى حاجة ويبدلوا مع بعض
ولو منفعش لما تكلمك خلى حد من البنات اللى مش اصحابك يسمعوكى وانتى بترفضى انك تتكلمى معاها فى الكلام ده وكده هيعرفوا انك كويسة وهيعرفوها على حقيقتها

وده الى عرفت اوصله دلوقتى وبالليل هكون فكرتلك فى حل آخر

يارب اكون ساعدتك

بصى البنت دى عارفة انك خايفة منها او انها تقول كلام غلط عنك عشان كده عاوزة تخليكى زيها او على الاقل تسمعيها
فانا رايى التانى برده انك لو كلمتك مترديش عليها خالص ولو حاولت تشد قصادك واجهيها وقدام البنات التانية وميهمكيش انها تقول كلام غلط لان اكيد اللى عرفك مش هيصدق وربنا هيظهر حقك ان شاء الله
هما دول حلين اللى قولته قبل كده وانك تحاولى تبعد فى هدوء وإما تواجهيها قدام الجميع



عندى سؤال :

لو واحد انتى بتثقى فيه جدا ودايما بيحسسك انك مهمة بالنسبة ليه وفجأة تكتشفى انه كان بيخدعك وانك زيرو ع الشمال عنده وحاول يبرر ويعتذر
هتوافقى تسمعيه وهتعتبرى انه خطا زى اى خطأ ممكن نقع فيه ولا مش هتقبلى تبصيله حتى وهيتعبر عندك خطأ لا يغتفر ؟؟؟؟؟؟؟؟؟؟

عذرا لكن هو هيحاول يبرر إيه يا نيمو ؟

يبرر كونك فهمتيه غلط ولا إيه بالظبط

يببر كونه خدعنى ليه