سلام ..
جهاز قلبي لو يصيح .. أقرب جهاز أقرب جهاز
يـرســل ولا يستـقـبـل ألاّ ذبـذبــه فــــي ذبــذبــه
بيني وبين اهل الهوى تشويـش واصـواتٍ نشـاز
تلعـبّ بـي الموجـات وأعـوّد علـى الطـرق ألعبـه
أنـا علـى شـطّ الخليـج وشــف بـالـي فالحـجـاز
ممنـوع يقربـنـي وأنــا بالمـثـل ممـنـوع أقـربـه
صعـب آصلـه .. رغـم العلاقـه والبطاقـه والـجـواز
دونـــه تهـاتـيـت الـوجـيـه الـذاهـبــه والـمـذهـبـه
شـبّـاب ومطـفّـي وثــارٍ بـيـن نــار وبـيــن قـــاز
وأنــا مشـبّـب مـــا هـويــت ألاّ عـيــون مشـبّـبـه
ياكـثـر مابيـنـي وبيـنـه مــن جـبـالٍ مــا تـهــاز
لكـنّ .. يــا صـفـق الـهـوى ودّ الـهـوى وإلاّّ جـبـه
أطــرّز أشـواقـي واسيّـرهـا علـيـه آخــر طــراز
وسلوكـهـا سـلــكٍ يجـاذبـنـي وسـلــك أجـاذبــه
العام قلبـي مـن حجـر .. واليـوم قلبـي مـن قـزاز
ويـوم أنكسـر صدّقنـي وحلـفـت لــه مــا أكـذّبـه.
ياصاحـبـي ممـنـوع حـــبّ ٍ بيـنـنـا وألاّ مـجــاز
أبكتبـه فــي لـوحـة العـشـاق وان مــتّ أشطـبـه
كسبتـنـي وأبـشــرّك نـاجــح بتـقـديـر إمـتـيـاز
دامـك عـلـى وضــح النـقـا حلـيّـت كــل الأجـوبـه
مـا يجـرح الرجّـال غيـر أنـه مـن ارجــالٍ عــزاز
ويشيلـهـا مــن لحيـتـه ويحطّـهـا فـــوق أشـنـبـه
.. سداح ..
2010-10-31, 3:45 pm
