تذكير بمساهمة فاتح الموضوع :السلام عليكم
ادري موضوع زهقتوا منه وتناقشتوا فيه كثير ويمكن واحتمال كبير ينحذف بس لسه مصره اتكلم عنه
لأني متأكده مليون بالميه ان كونان يحب هايبرا وبدل الدليل عندي ١٠٠
طيب نبدأ حبه حبه هو صحيح يحب ران وران تحبه وهم اصدقاء طفوله بس اللي اشوفه ان ران فارضه نفسها على شينشي هو ماطلب منها تستناه
هي اللي جلست تستناه هي اللي دائماً تقوله ابي اسألك سؤال وابي اسألك سؤال الا غصب تبيه يعترف لها بحبه هي اللي تشتاق له وتلاحقه وتسأل عنه
بالعامي هي خفيفه وراميه نفسها عليه ولو تلاحظون لين قريب ما اعترف لها ولا قالها شي وللحين مو متأكد من مشاعره ! معليش علاقة ران وشينشي علاقه ممله
مفروضه عليهم اثنين تربوا مع بعض من هم اطفال هي ماعندها رجال في حياتها غيره وهو مافي بنت في حياته غيرها يعني علاقه مفروضه مو علاقه اختياريه !
حتى المقاطع اللي تجمعهم ببعض اعديها من كثر الممل والحوار الميت بغض النظر عن ان شخصية ران ماتعجبني الشخصيه البريئه الطيبه الهطفه السامجه المضحيه
لكن جد انا جالسه اكون حياديه انا لو بحط النهايه بختار شينشي يرجع لران ويتزوجون لأن ماتستاهل ينكسر قلبها وهذا الشي اللي متأكده ان غوشو بيسويه
بس انو ننكر ان شينشي يميل وبقووووه لهايبرا ذي قويه ! لأن فيه اثبتات كثير ومافي دخان من دون نار لو مافي شي يدل على اعجاب بينهم ماكان في مية مووضوع يسألون فيه متابعين هالانمي ايش نوع علاقة كونان وهايبرا ! وهل هم يحبون بعض والخ من هالمواضيع
طيب نجي لأول دليل في حلقة اختطاف هايبرا اللي هي حلقه 176 , 177 , 178
اتوقع كان واضح كيف كونان كان ميت خوف عليها وما تركها ولا دقيقه ولما جين طلق عليها كيف كانت حالة كونان !
حتى جين وقتها قال لبيلموت لما بيلموت قالت انت مو خايف من الولد اللي يرافقها ؟ تقصد كونان يرافق هايبرا قال جين ايه واحد مفتون فيها !
اتوقع دليل اوضح مافي
وهذا اللي اقوله كونان مليون بالميه معجب فيها ومفتون وغرقان وهايم
بس كابوس ران وراه وراه
وحتى لو ماراح يرتبط في هايبرا وحتى لو كابر
يضل فيه علاقه واضحه
طيب الدليل اللي بعدو لما راحوا الاستاد اتوقع رقم الحلقه اذا ماخانتني الذاكره 279 , 280
لما هايبرا شدتها قصة اللاعب اللي ترك فريقه وقالت الخاين ماله مكان ماسكت كونان على طول قالها انو وش هالكلام اللي قاعده تقولينه وهو قالها مايبي يخليها تحس انها
خاينه ومالها مكان
غير كذا كونان يركز في كل حركات هايبرا وذا الشي مايسويه مع ران ! يعني لما شافها مشدوده لقصة اللاعب حتى هو انشد للموضوع وصار يراقب تحركاتها
هذي كانت اكثر حلقه مؤثره لما شاف هايبرا عند المحطه وحسبتها بتهرب وركض وقام يصرخ هايبرا وكان متضايق وقال تباً لما بعد القطار فجآه سمع صوت هايبرا وهي تقول تحسبني بهرب ؟ تغيرت ملامحه تماماً وضحك وارتاح وقالها لا ويوم قالت له بتحميني ؟ شوفو ملامح وجه كيف صارت بعد ماسمع هالكلمه ! بعدين قالها قصة اللاعب قامت ردت انو ليه مافهمتني من البدايه انا مو مهووسه بالكوره مثلك ! وراحت عنه بعدين لاقها تتفرج على المباراه وقال في نفسه كذابه وهو يضحك ضحكه ساخره
وش معناته ؟ مهتم بأدق تفاصيلها ! بتقولون يهتم بأصدقاءه بقولكم لا ! لأن مايسوي كذا مع ايومي ولا مع جينتا وميتسوهيكو ! ولا حتى مع حبيبته ران ولا مع صديقه هيجي !
ماقد شفته يتصرف بهالطريقه غير مع وحده بس اللي هي المزه الشقرا هيبوره
دليل ثاني برضو لما انفجر الباص في حلقة الراكب الغامض شفتوا كيف ركض وحماها ونط فيها من القطار
وحتى جا دمه على رجلها وقالت لها ايومي انتي تنزفين لما شافت الدم في رجلها قامت هايبرا قالت في نفسها انو هذا دمه لما كان يحاول يحميني يبدو اني مدينه لك يا كودو
يعني حتى مع ران مافي مشاهد بهالرومنسيه والجمال
ليه يتعمد غوشو ان علاقتهم تكون كذا ؟ ليه يتعمد تكون فيه شكوك حولهم ومليون علامة استفاهم !
دليل غيره وهو دليل من فلم وعارفه بتقولون الافلام ماتعتبر دليل بس بقولها ! اتوقع الفلم الخامس لما سونوكو قصت شعرها زي هايبرا وجت عند ران وقالت لها ران ليه قاصه شعرك كذا ؟ قامت قالت اقلد هايبرا بعدين قالت وش رايكم طالع فيها كونان وتخيل هايبرا مكانها وكبرت عيونه ولمعت وهالشي يصير لما كونان يكون خااق
حتى اصحابها قاموا يتريقون عليه ويقولون اووه معجب بسونكو مع انه في الاصل معجب في اللي تخيل صورتها
اللي هييي هيبارا
دليل في الاوفا ١٢ لما كونان اخر الحلقه قال شكلها اسطوره جديده قالت هايبرا لا قصة حب جديده قام لحقها يبي يعرف وش تقصد !
ليه يلحقها وليه يهتم في اللي تقوله بالذات لا جابت طاري الحب
طيب لو هايبرا مثلها مثل باقي اصدقاءه ليه هو دايم معها ؟ ليه حتى لما تكون ران موجوده كونان يكون مع هايبرا ! ليه يتشاركون تحليل القضايا ليه يقولون كلمات بنفس الوقت ليه يفهمون على بعض من نظرات بعض ! ليه يحبون يمزحون مع بعض ويغلسون على بعض علاقتهم اعمق بكثير من الصداقه
دليل ثاني برضو الحلقه اللي كانت فيها جودي عملية الاف بي اي تبي تظم هايبرا لنظام حماية الشهود لما هايبرا قالت لأصدقائها باي باي كونان طالع فيها بنظره مو مرتاحه حس انها بتروح لهذاك المكان ومايحتاج اقولكم انه لحقها مع اصدقاءه الشاهد هنا لما هايبرا رفضت عرض جودي قالت جودي للرجال اللي كان عندها اتوقع اسمه جيمس الزبده قالت له ان هايبرا عندها شي ماكان عندي مع انه شي خطير وممكن يتطور لكنه يعطي القلب دفأ وشجاعه وجابو هايبرا وهي تمشي وهي مبتسمه بعدين جابوا كونان وهو مبتسم وفرحان وطلعت فوقه صورت هايبرا ! برضو دليل اقوى من كذا مافي ! وتفرجوا الحلقه عشان تفهمون قصدي اكثر
برضو بحلقه من الحلقات اللي هي حلقت الغابه والدبين لما ميتسوهيكو قعد يطالع بهايبرا قام كونان قاله ماتصلح لك
ولما هاتوري هيجي قال لكونان انو انت اقرب واحد لهايبرا واعطاه هذي النظره
برضو لما كان يتطمن عليها في الحلقه اللي تعبت فيها وكان قاعد عن الدكتور اغاسا
برضو الحلقه اللي سمعت فيها تسجيل امها كان كونان مبسوط مرررررره عشانها وقال داخل نفسه انو انا فرحان عشانك
هذا دليل ان لها مكانه بقلبه مختلفه عن البقيه
والمواقف اللي تشهد على هالشي كثير الاثنين يحبون بعض ويكابرون عن هالحب بدليل كونان يفقدها ويبيها على طول جنبه واتوقع لو راحت بينجن مو مسألة انه يحميها وبس هو يحبها وهي تنحب
معليش بس ران كأنها شينشي بس على شعر طويل
اما هايبرا مميزه شعرها شكلها شخصيتها الساخره هدوءها خفة دمها ذكائها تبون تقنعوني ان شينشي مانجذب لجمالها وشخصيتها ؟ لا ما بقتنع لأن اللي واضح لي من الحلقات هو العكس
اعيد واكرر اعرف انه يحب ران وان نهايته مع ران
بس مايعني انه ما اعجب في هايبرا ولا مال لها اصلا علاقتهم مميزه وبينهم كيميا عجييييبه
المهم هذا استنتاجي اللي مقتنعه فيه وعارفه ان غوشو مابيحط هاللقطات بين كونان وهايبرا عبث
انتو بس دققو في الحلقات اللي تطلع فيها هايبرا شوفو كيف كونان يطالع فيها شوفو كيف يركز مع كل كلمه تقولها شوفو كيف يعلق بينه وبين نفسه على كلامها معجبته شخصيتها مره
اي هذي هيبوره مو اي احد
اتمنى الموضوع ماينحذف لأن برجع احط فيه اضافات وادله مدعمه بروابط
2014-11-01, 7:52 am
لكن لا باس بها ،انها لاتهمني كثيراً لا اعلم ان كنت اكرهها حقاً ام لا ولكن لا احب الجانب اللطيف فيها او الدلع ولكن اذا كانت تقاتل المجرمين تعجبني مره 
