الفصل الاول
رحت اليوم المدرسة .. كان يوم صعب صراحة .. خصوصاً انه صديقاتي مو كلهم موجودين !
يمكن اذا كانوا موجودين كان بيكون احسن ..
نور (حبي سوريا) : ايش بك شاردة كدا ؟ غريبة عليكِ يعني انتِ دايما مركزة ف الحصة
انا : ولا شي لا تهتمي حبيبتي
انا بالعادة ما احب افضفض لاحد .. بس فيه ناس يجبروني .. هنا ماعرف كيف اصرفهم واضطر افضفض لهم !
وصح انه نور بتفهمني لو فضفضتلها بس ماحب افضفض لاحد !
مرت حصة واثنين وجات الحصة الثالثة .. ما طالعت ف الجدول ..
كنت اعرف انه علينا عربي وانه معلمة سحر بتجي دحين ..
كانوا بين كل حصة والثانية البنات يتكلموا وانا ساكتة .. يا رب تكون بخير !
دخلت معلمة سحر .. ولقيت وراها رند ! دوبها واصلة المدرسة !
طالعت ف الساعة اتأكد .. الا هذي الحصة الثالثة ! الساعة 8:35 ! كأنها تأخرت ساعة ؟
وايش عليا انا ؟ مالي دخل ..
دخلت رند وجلست ف مكانها .. جنبي ع اليمين .. وقالت : كيف حالك ؟
انا : ءء الحمدلله بخير وانتِ ؟
رند : الحمدلله .. الطريق مرره زحمة
انا : ادري .. يلا يلا لا نتهزأ دحين
لمن دخلت رند حسيت براحة نفسية ما احسها مع ناس كثيرين !
مرت الحصص الباقية بسرعه .. بين كلام وحكايات مع نور ورند وغيرهم
وصارت الساعة 1:30 .. باقيلنا حصة بس .. اليوم كل الفصول تنصرف الساعه 1:30 الا احنا
و3 فصول معانا بنطلع 2:10 .. ما عليه اهم شي انه اليوم خميس .. وبكرا ويك اند والحياة حلوه يعني ..
كانت الحصة الاخيرة انجليزي .. مرت الحصة ببطء .. ما بغت تخلص صراحة !
ولمن خلصت لقيت انه لازم اطلع ..
انا متفاجئة : مسسسسرع جا السواق !
وطبعاً كل الي حولي انفرطوا ضحك ..
وكالعادة : مع السلامة رند مع السلامة نور مع السلامة كلكم اشوفكم يوم الاحد ..
نزلت وطبعاً لازم آخذ منار وبنت عمتي .. وانا ماشية جاني السؤال كالعادة
.. : فين رند ؟
انا : مريم فجعتيني ! رند ف الفصل مدري جا اسمها ولا لأ !
مريم : طيب بطلع اشوفها ..
ومشيّت .. واحنا بدورنا رحنا السيارة .. من التعب ما قدرت انتظر لين اوصل البيت !
نمت ف السيارة كالعادة !
اليوم المفروض انه فيه اجتماع عائلي عند جدتي .. احنا وعماتي وبناتهم ..
بس انا بتجيني دينا .. لانها ما تجي الاجتماعات العائلية لانها مو بنت احد عماتي .. فـ قلتلها تجي عندي ..
دينا : فيه شي جاب لي اكتئاب .. مره مره متضايقة جمان !
انا : ايش ؟
دينا *واضح انها كانت كاتمة دمعتها* : عمرو معاه .. سسـ سررطاان
سكتت وانا احاول استوعب ! ايش ؟ مين ؟ عمرو ؟ ايش به ؟ سرطان ؟ لا ! ماصدق !
انا : دينا من جدك ؟ من متى ؟ كيف ؟ ليه ما قلتي من زمان !!!
دينا : انا نفسي ما كنت اعرف .. وكلنا كمان .. اليوم عرفنا
سكتت .. كانت دموعي شوية وتنزل .. بس كتمتها لاني ماحب احد يشوف دموعي ..
انا : يلا عاد بتتسهل وتعدي ويتعالج ويرجع زي زمان ان شاء الله .. تبي عصير ولا شاي ؟
ما ردت دينا ! وعدت السؤال .. واخيراً نطقت وقالت شاي
نزلت للمطبخ وانا كلي ألم ! ايش هذي المصيبة ؟ دينا وعامر امهم وابوهم دائما مشغولين عنهم ..
إما مسافرين او طول الوقت برا البيت ! يعني اخوهم بيعوضهم عن حنانهم ! واكيد بيتأثروا من هـ الخبر !
حسيت انه دموعي نزلت لا اراديا .. ومسحتها وعملت الشاي بسرعه ورحت لـ دينا
كانت واقفة تتأمل ف مكتبتي زي دايما .. وسمعتني لمن قفلت الباب
دينا : قرأتِ كل هذي الكتب ؟
انا : لأ .. ماني فاضية طول الوقت تعرفي كيف مدرستـ ..
قاطعني رنين التلفون .. ورحت ارد بما انه كلهم عند جدتي ..
انا : الو , نعم ؟
.. : سلام عليكم
انا : اهلاا ريم (جولييت) كيف حالك ؟
ريم : طيبة الحمدلله
وتكلمنا شوية واستأذنت منها لانه دينا جالسة لوحدها ..
رحت لدينا ولقيتها منسدحة عالسرير وتلعب بجوالها .. ما شاء الله تستغل الوقت ..
وجلست جنبها وصرت اتفرج عليها وهي تلعب وتكلمنا شوية ف مواضيع كثيرة لين جا احد ياخذها ..
وانا انتظرت اهلي يرجعوا من عند جدتي وجلست معاهم شوية ورحت احاول انام
وانا شاغل تفكيري موضوع مرض عمرو !
ومع كثرة التفكير نمت وانا مادري عن نفسي ..
كذء انتهى يومي .. وانتهى معاه الفصل الاول من قصتي
ايش رأيكم فيه .. وايش توقعاتكم للي بيصير ؟ وايت شخصيه عجبتكم ليين دحين ؟