للبنات فقط

موضوع: للبنات فقط 2011-12-21, 9:41 pm

ماراح اتكلم بأسلوب وشسمه بأتكلم بأٍسلوبنـآ كـ بنـآت..

بنـآت..

مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..

بنات لبسو عبايات كتف وبناطيل و و و لكن ايش..

تركو السوق والتلفزيون والاغاني وجو للمسجد ..

وش معنى هذا..!

مو معنى المسجد

يمكن صليتي في بيتك ورفعتي يدك ودعيتي من قلبك..

وبـ ذلك بكيتي والشيخ يدعي..

تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }

وتسمعين { سبحان من ستر القبيح واظهر الجميل },,

تسمعين يقول { سبحانك تطاع فـ تغفر وتعصى فـ تغفر }..

تبكين من قلبك او يعورك قلبك ..

تحسين انك صح كذا تحسين فجأه انك ولا شيl

يعني وش سوينا نحس ان حنا مغترين بأنفسنا..

تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده k..

معقوووووول.!

ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..

بنات الى متى انا وانتو كذا..

قسم بالله مهيب حاله يعني يجيني حاله اقول ودي اني بعهد الصحابهl..

الى متى وحنا بغفلتنا,,

نصلي ونبكي و و..

يجي العيد وبعد العيد ونرجع لخنبقتنا وننسى ..

طيب انا وانتي خلينا نفكر بـ شي من الحين دام الهمه فيني وفيك الحين..

مثلا نسوي صندوق بالبيت او بغرفتك كل يوم حطي ريال ..

بدل هالشيبس اللي كل يوم نجيب 4 للشله..

نتبرع بريال للصندوق ...

وريال على الريال تصير 10..

تدرين ليه ريال عشان ماتثقل عليك واللي لها قدره الله يجزاها خير..

وعطيها مثلا هاللي ينظفون بالاسواق ولا سواقكم ولا شغالتكم ..

تراهم ماجو هنا الا للحاجه..

واذا كانت تتعنفق ولا تنافخ ..

خلي قلبك اكبر واكسبيها باجر ربي وماجوووووووووره,,

ولسانك ..

اللعن ..

زي العاده ..

شفتو ابله فلانه الله ..... تستهبل هي وواجباتها..

ولا الدكتور/هـ ودي اذبحها الله .........

ولا اخوي الحمـ.... فصل النت .الله .......

عودي نفسك تتركين العاده ..

اذا لعنتي فجأه عاقبي نفسك واستغفري 40 مره مثلا =)..

واحسني خلقك مع أي احد..

تدرين الابتسامه لها اجر..

تمر وحده من جنبك .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتك ..

انتي عارفه خطأك اكيد بس خليني اقولك عن شي..

مره كانت فاطمه بنت النبي تبكي من قلب وتصييييييييييييييييييح..

جتها عائشه رضي الله عنهم جميع..

تقولها مابالك .!

اعلمك وش قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول كذا تفكيرها

وهي الحين ميته..

وحنا العبايه واسعه لكن مع الشنطه وشد العبايه مع الخصريبان كل شي

بنات تكفون خلونا نتغير ..

وربي ماراح ينفعنا شي..

تدرون بس ان النار سوداء وكل شي مانشوف<~ توها سامعه المعلومـه..

واللي ابتليت بجوال مع الشباب ولا الماسن..

تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ

وش ردك عليه..!

بنات والله ماينفعك..

تدرين ليه اقول كذا .. لاني اعرف كثير وعارفه هالشي صعب..

لكن احببببببببببببببببك
لاني احس انو شي صعب بس من ترك شي لله عوضه الله خير منـه..

اتركيه هالشخص

شي احسن من لاشي ..

صح علي..

حاولي و حاولي وحاولي..

وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..

بنات..

تكفون .. =)..

عدلي لو شي واحد وادعي ربك لنفسك دائم..

صح ولا انسى الاغاني والافلام الامريكي والكوري<~ يارب صبرنا وأعنا..

اذا انحطيتي بقبرك ماراح يٍسألو عنك ..

بتنحطين بقماش وذنوبك معك..

حاولي انك دايم تذكرين صحباتك بالجنه والاشياء ..

تخيلو اليوم سمعت عن قصه ..

في اثنين أصحاب ..

كانو قاعدين بمكان <~ اجل وين..

المهم..

قامو يتكلمون عن الجنه والنار والخ.!

واحد دمعت عينه بذكر النار خاف منها..

بعدها بمده توفى صاحبنا ..

وجاء لخويه بالحلم ..

قاله صاحبه يافلان وش اخبارك..!

قال اخباري..

انا بالفردوس الاعلى اعلى شي بالجنه..

قاله صديقه ليه..؟

قال تذكر يوم نقعد نسولف انا وانت وذكرنا النار ودمعت عيني..

هذا اللي دخلني الجنه..

شفتي ربي قد ايش كريم..

وربي ربي شي كبيييييييييييييييييييييييير..

بنات..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

لي طلب اخيرا..

اذا اعجبك الايميل وعارفه اسلوبي مدري وش يبي...

بس ارسليه لاقرب شخص لك ..

اللي تحبينها وتخافين عليها..

من نار جهنم..

لا يقولك هالسخيف<~ تقصد ابليس

لاترسلين مشوار وشذا ايميلي مايرسل الا لكم ايميل عشان ماوزعته لقروبات

كلامه المعروف..

لا خذي اجر لو سمحتي..

منـــــــــــــــــــــــــــــــــــــــــــــــــــــــــــــــقول للاهمية والسلام عليكم

موضوع: رد: للبنات فقط 2011-12-21, 10:09 pm

اتمنى الرد

موضوع: رد: للبنات فقط 2011-12-21, 10:27 pm

اقتباس :: قسم بالله مهيب حاله يعني يجيني حاله اقول ودي اني بعهد الصحابهl..

مشكورا خيتو على الموضوع بارك الله فيك

وجزاكى جنات فردوسه واعالى جنانه

فعلا خيتوه الدنيا فانيه ولا تضل الا الاعمال الصالحه

ربى يعينا على الدنيا وعلى طاعته

والحمد لله انا عمرى ما سويت قصص مع اولاد وعمرى ما حبيت احد ابدا

وانشاء الله دوووووووووم هيك

يسلمو مرى اخرى
تقبلى مرورى

موضوع: رد: للبنات فقط 2011-12-21, 10:48 pm

السلام عليكم

أختي ...
الحمد لله كنت أشوف أفلام واسمع أغاني بس الحمد لله الحين ما أشوف وأحاول أن

أبتعد عن طريق الشيطان وراح أحاول أنصح كل خواتي لانه ياخواتي ياحبيباتي مانقول الكلام هذا الا

علشان مصللحتك وأنتي وأنتي بعد و كل ألي يشوف هذا الموضوع أتمنى التطبيق

لانه ماأحد يعرف متى يموت أو يوم القيامة لا تقولي أختي أن بكره راح أعمل و راح أصحح أنتي تدري

وش يستوي بكره .((من هذي اللحظة أختي صححي أخطاءك لانه بكره ماراح ينفعك أحد ))

وشكرا أختي على الموضوع الرووووعة بجد سامحيني لاني طولت في الكلام

موضوع: رد: للبنات فقط 2011-12-21, 10:56 pm

شكرا لك للرد واتنمى منك ان تدخلى موضوعي الجديد واسمة الدنيا وشكرا لك على المرور وكلمات الجميلة واتنمى من الجميع النهوض من الغفلة قبل فوات الاوان

موضوع: رد: للبنات فقط 2011-12-22, 3:41 pm

شكرا لك أختي ع النصيحة الرائعة بس وايد بنات يدخلون شات وينشروا ارقامهم و ايميلاتهم للشباب و ما يفيدهم أي كلام للبنات فقط 666779

اتبعوشهوات الدنيا

موضوع: رد: للبنات فقط 2011-12-22, 3:48 pm

الحمد لله لاِأشوف مسلسلات وهي فطرة فيني سبحان الله
ولا أسمع أغاني بتات البتتتتة

موضوع: رد: للبنات فقط 2011-12-22, 3:50 pm

عاشقة سينشي و كونان كتب:: شكرا لك أختي ع النصيحة الرائعة بس وايد بنات يدخلون شات وينشروا ارقامهم و ايميلاتهم للشباب و ما يفيدهم أي كلام اتبعوشهوات الدنيا

صح كلامك ياختي وشكرا لك عل الموضوع المفيد جدا

موضوع: رد: للبنات فقط 2011-12-22, 4:06 pm

شكرا لج

وانا صار لي فتره م اسمع اغاااني الحمد لله

جعله الله في ميزان حسناتك

موضوع: رد: للبنات فقط 2011-12-23, 12:31 am

شكرا لكم جميعا على المرورفي هذا الموضوع وتعطرية بهذة الكلمات المفيدة ولكم منى جزيل الشكر

» مهم للبنات
» دردشة للبنات فقط
» موضوع حلو للبنات
» موضوع للبنات فقط
» دردشة للبنات فقط