هل مافعله الطالب يدل على ذكاءه أم غباءه؟ <<أجيبوني>>

السلام عليكم

قريت قصة بس إلى حد الحين والولد محيرني هل مافعله يدل أنه غبي أو ذكي؟

القصة <<باختصار ونصها من تخريفي>> :

في طالب ابتدائي كان يختبر اختبار على ماأظن من مواد الدين.. وبعد ماخلص الاختبار وتم تصحيح الأوراق جاء الأستاذ و جلس يقول الدرجات ولما شاف درجة ذاك الطالب قال إنها: 3من 10

فعصب الطالب وقال: أنت تكذب <<قويــــــه>> وأنامتأكد إني جبت 10

فقال الأستاذ : والله هذي نتيجتك وهذا مستواك وأنامالي شغل ..

وبعدين سكت الأستاذ ورجع وكمل كلامه بمكر: تبي تاخذ10؟

فرح الطالب وقال: أيوه أبي ومستعد اسوي أي شيء عشان أخذ 10 <<ياعيني>>

الأستاذ: خلاص .. روح جيب لي تراب الجنه.. <<اُمـَّــــــــــــا عاد>>

فقال الطالب: ابشر بس توعدني.. <<استر يارب>>

الأستاذ: أوعدك إني أعطيك العشرة <<الرجال مايخلفون وعودهم أبداً>>

ــــــــــــــــــــــــــــــــ

وراح الطالب إلى البر مع عائلته وطلب من أمه تمشي على مكان معين وكل مامشت أخذ التراب إللي تدوسه

ــــــــــــــــــــــــــــــ

اليوم الثاني في المدرسه التقى الطالب بالمعلم وقاله:تفضل هذا هو تراب الجنه

الأستاذ ضحك إلى أن شبع وقال: أنت قاعد تلعب علي من وين جبت هذا التراب العادي؟

فقال الطالب بثقة: من البر

الأستاذ: في فرق بين تراب الجنه وتراب البر ياالدلخ

فقال الطالب: هذا التراب داسته أمي وأنت قلت إن الجنه تحت أقدام الأمهات صح؟

الأستاذ تفشل وعطاه 10كااااااامله في كل الاختبارات بدون مايختبر

ــــــــــــــــــــــــــــــــــ

والحين جاوبوني هذا الطالب ذكي أو غبي؟

انا اظن انه ذكي لانه عرف ان الجنه تحت اقدام الامهات ولكنه غبي لانه ظن ان الجنة فعلا تحت اقدام اامهات لايعني انها تحتهم بل لهم وايضا اظن انه غبي لانه اته عندما طلب منه الاستاذ تراب من تراب الجنه ذهب الى البر وجب من تراب البر تراب البر مختلف عن تراب الجنه وانتي برايك شو انا اظن انه غبي

لا اعرف لكنه غبى لانه صدق هذه المقولة بالضبط و لم يفهم ما المقصود منها

شكرا لك على الطرح المميز

شكرا لكي أنا صوطت( ذكي)

لا والله ماني استهبل بس احنانقصد بقول: ان الجنة تحت اقدام الأمهات . يعني ننفذ أوامرهن ونحترمهن ونرعاهن مو ناخذ التراب من تحتهن

والله لو كان المقصود زي ماقصده الولد كان حفرت تحت سرير أمي من اليوم إلى ... عشان القى الجنة <<استغفر الله>>

المهم مشكورين على المرور