أنا عايزة اكلمكم عن اللى حبوا ربنا ...
أنا عايزة اكلمكم عن اللى احلامهم اتغيرت من حب ربنا ...
مش الولد اللى يقعد ثلاثة ساعات يحلم بالبنت والعكس
أنا عايزة أكلمكم عن اللى سهروا الليالى من حب ربنا
مش اللى سهروا يتكلموا فى التليفونات ويفكروا فى حبايبهم بتوع الدنيا ،
أنا عايزة أكلمكم عن اللى دموعهم نزلت على خدودهم وغرقت خدودهم من حب ربنا
مش اللى بكت علشان واحد أو اللى بكى علشان واحدة أنا عايزة أكلمكم عن اللى كتبوا شعر لربنا
كتبوا شعر لربنا ؟؟؟
آه والله كتبوا شعر لربنا .... مش اللى كتب يقول أغلى من حياتى
أنا عايزاكم كلكوا تقولوا ..........
ياااااااااااااااااااارب أنت أغلى من حياتى
بس أوصلك ازاى.......... أوصلك ازاى يارب
طيب أنا صليت ركعتين........
قرأت صفحتين قرآن ........
تركت إيه علشان ربنا....عملت ايه علشان توصل له
أنا عايزة أكلمكم عن اللى ماتوا من حب ربنا
ماتوا من حب ربنا ؟؟؟
آه ماتوا من شدة حبهم لربنا
أمراة ذهبت لتزور الكعبة ........ بيت ربنا
أخذت تقول يا خلق ......أين بيت ربى؟؟؟؟؟؟؟؟
فدلوها عليه
فوضعت خدها على الكعبة ثم حركوها فوجدوها قد ماتت
نعم ماتت
عبد الله بن جحش كتب لربنا جواب بدمه
أيوه بدمه
بيقول يارب أنا عايز أقطع أربا أربا من أجلك
أنا عايزة اكلمكم عن ناس كتبوا شعر لربنا
ياحبيب القلوب
انت حبيبى (يارب ده انت حبك جميييييييييييل أوى يارب)
أنت أنسي (مبحسش بأى أنس إلا معاك يارب)
وأنت منى قريب
ياطبيب بذكره يتداوى
كل ذى علة فنعم الطبيب
يارب ......ده أنا بكون مريض وحد يذكر اسمك امامى
أقوم وأنشط ..... من كتر ما أنا بحبك يارب
فليتك تصفُ والحياة مريرة
وليتك تعفُ والأنام غضاب
فليت الذى بينى وبينك عامر وبينى وبين العالمين خراب
إن صح منك الود (لو حبتنى يارب)
فالكل هين (ميهمنيش أى حد يحصل اللى يحصل)
وكل الذى فوق التراب تراب
أيوه دول اللى كتبوا شعر فى حب ربنا......
اللى سهروا الليالى من حب ربنا
كان السلف بيقولوا يارب.......
يارب لانتمنى شىء بعد الموت إلا إنك تتركنا نقوم الليل فى قبورنا
أصل قيام الليل ده خلوة مع الحبيب... أنت فى خلوة مع حبيبك
ولا أحد يعكر صفوا الخلوة دى
كان نبينا الكريم صلى الله عليه وسلم يقول:
وددت أنى أقاتل فأقتل ثم أحيا
أقاتل ثم اقتل ثم احيا
ليه دى كانت أحلام النبى صلى الله عليه وسلم ؟؟؟؟؟؟؟؟؟؟؟؟؟؟؟؟؟؟
علشان ربنا......... ايوه علشان كان بيحب ربنا
الرسول صلى الله عليه وسلم كانت أحب الناس إليه السيدة عاشة رضى الله عنها
لما أتى ليلا للسيدة عائشة حب ربنا غلب على قلبه
فقال لها ذرينى أتعبد لربى
البنت اللى سابت ربنا علشان واحد.......
والولد اللى ساب ربنا علشان واحدة
الرسول صلى الله عليه وسلم ساب الدنيا كلها علشان ربنا سبحانه وتعالى
سعد بن ابى وقاص أبوه كان بيلف الحصير حول رقبته ويحرقه من فوق علشان يخنقه
........ بس علشان ربنا استحمل
سيدنا مصعب بن عمير ساب بلده ووطنه وبيته واهله وكل مايملك علشان ربنا
أيوه كله يهون فى حب ربنا
مين فينا اللى هيسيب كل حاجة وحشة ويترك المعاصى علشان بيحب ربنا؟؟؟
انتوا حاسين بالكلام ده والمعانى دى ....... ولا لأ
لما أقول لك إن رجل قلبه معلق بالمساجد .......
يعنى اللى بيحب واحدة المكان اللى بيتقابلوه فيه بيحبه أوى لانه مكان لقاء
حبيبته
أهو المسجد مكان لقاء حبيبك
أيوه المسجد اللى أنت بتصلى فيه التراويح أول رمضان........
ده المكان اللى بتقابل فيه حبيبك
يعنى قلبك معلق بالمكان ده .......
يعنى وأنت نايم سايب قلبك هناك
وأنت فى الدنيا ومشاغلها .........
سايب قلبك هناك
لما أقول لك انتظار الصلاة بعد الصلاة ........
نعم فهمتها الآن
أصل الصلاة دى لقاء الحبيب.......
أمتى اقابلك يارب؟؟؟؟؟؟؟؟؟
أمتى يجيى الميعاد و أروح الميعاد من بدرى ......
زى اللى بيروح قبلها بساعة يقابل حبيبته
أنت روح قبلها بساعة قابل ربنا حبيبك
سيدنا موسى بيقول : وعجلت إليك ربى لترضى
يارب أنا مش جايلك برجلى ...... مش جايلك بسيارتى
أنا جايلك بقلبى........ هو اللى ساقنى اليك
جايلك يارب علشان أصلى فى الصف الاول ..........
علشان أخشع بين إيديك
جايلك من العشاء مش همشى غير بعد الفجر يارب....
علشان أعبدك فى مكان لقاء حبيبى
جايلك يارب......
فى رمضان.......
وبعد رمضان
جايلك يارب .........
كل حاجة ترضيك هعملها
هاحضر دروس ......
و احفظ قرآن
واتعلم تجويد ........
واقرأ فى الدين
وهسيب كل حاجة حرام وغلط.........
علشانك يارب
علشانك يارب........
أعمل كل حاجة ترضيك
أنا جايلك يارب .........
منايا أوصل لك يارب
وعجلت اليك ربى لترضى
وليكن شعارنا
حب الله ما احلاه..... فهو ربى ولا اريد سواه
أحلى حياه في طاعة الله
و
2011-04-21, 9:29 am
