الفرق بين أولاد السعوديين والأجانب

زائر

تذكير بمساهمة فاتح الموضوع :

السلام عليكم

اخباركم

يارب تكونوا بألف صحه وسلامه

الفرق بين أولاد السعوديين والأجانب

نبدأ

الأطفال الأجانب ...........

في الصباح حيث يبداء يوم اطفال الاجانب عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كورن فليكس

ابو ديك وبيضه وحده بس!! وكاس عصير وشويت ************ده مع العسل

على خبزه .

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه

ـــــــــــــــــــــــــــــــــ

عيالنا المحترمين ....

ولدنا يقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم جعلك الهزل

الأم:قم جعلك الجدري

الأخ: والله اذا ما تقوم لافقع وجهك

أخته: < تسوي نفسها بتدلعه> يالله قوم وأعطيك شنطة أخوك تروح فيها

للمدرسه

بعد ما يقوم يمر الحمام على السريع ويغسل وجه

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول شكشوكه تميس + حليب

يبدأ الورع بالأكل وشوي الا وهو حاذف أخوه بعلبة الهندسه؟؟؟

عشانه سحب صحن الفول من عنده<مسكين ما يطوله> وشوي الا وهو

مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه

يرد الورع عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصـــــــك

سعيدان كف صدقي

المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه

ــــــــــــــــــــــــ

أطفال الناس الاجانب

2- بعد المدرسه يرجع اطفال الاجانب ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.

ــــــــــــــــ

عيالنا المحترمين

اما الورع منهم يجي من المدرسه وثوبه قالب لونه بني< تقول جدار مدرسه >>

ولا دخل البيت رمى الشنطه بالصاله وفصخ ثوبه

ووينك يالشارع < اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء (( معروف كبسة لحم ))

غيره ما فيه!! يتغدى الورع الكريم ويصــــــــــــــــــك بعدها لتر لبن

بعدها يجلس ساعه فاتح فمه

يحتري من يوديه يغسل له يديه!!!!!!!!!؟؟

ــــــــــــــــــــ

أطفال الناس الاجانب

3- اطفال الاجانب لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني الى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف

ـــــــــــــــــــــــــ

اعيالنا المحترمين

يجي وقت العصر وهو نايم < مفعول اللبن >> يقوم قبل المغرب

وياخذ دروسه وواجباته < وأقلامه ناسيها في درج الطاوله اللي بالمدرسه>>

ويروح عند أخته ويتحايل عليها بكل ما أوتي من قوه على شان تحل له

الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد < مساكين اهله >>

ـــــــــــــــــــــــــــ

أطفال الناس االاجانب

4- أطفال الاجانب بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه < الساعه 10 تقريبا >>

بعدها يغير ملابسه وتجي المربيه وتحكي له قصه اللين ينام تغطيه وتطفي النور.

ــــــــــــــــــــــــــــ

اعيالنا المحترمين

لا رجع البيت< الساعه 11>> ما يدخل مع الباب لا ينط من

فوق السور على شان ابوه ما يمسكه .

وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>

وخبز ويرجع لووووووووووكره<اسف غرفته>

ويقفل باب الصندقه <اكرر أعتذاري الغرفه>> ويتعشى من ذا الجبن والخبز

اللين يدوخ <على الساعه 3>> لا وأزيدكم من الشعر بيت ما ينام

الا وهو متلطم!!!؟؟؟ < على باله مراقب
ـــــــــــــــــــــــ
ههههههههه

ارجو ان الموضوع عجبكم

:bvb: :fdf:

زائر

خفايا جروح كتب:: هههههههههههههههههههه.....يوووه قويه صراحه

بس فعلاً كل شي صح...

طرح رااائع ومسلي....

شكراً لك....

اي انا ما اجيب الا شيء صح <<<<<<<<< ايش هذي الثقه

الحمد الله ان اعجبك

العفو

وشكرا لمرورك

سلمت يمناك يامبدع
ما اقدر أوصف إبداعك
لا بس في الحقيقة أولادنا تــــحــــف

ههههههههههههه..
فضحت اعيال السعودية مساااكين...

بس الحمدلله احنا حياتنا في البيت ارحم من كذا...

يسلموو ع الفلــــة الحلوة

زائر

MЯ.ŋoĺmĖŞ كتب:: سلمت يمناك يامبدع
ما اقدر أوصف إبداعك
لا بس في الحقيقة أولادنا تــــحــــف

الأبداع اخذته منك

اولادنا تحف

في هذي انت صادق

يسلمو على ردك

midnight d.c كتب:: ههههههههههههه..
فضحت اعيال السعودية مساااكين...

بس الحمدلله احنا حياتنا في البيت ارحم من كذا...

يسلموو ع الفلــــة الحلوة

ههههههه

هذي الحقيقه والحق ماينزعل منه

في البيت بلاوي اكثر

الله يسلمك

مشكووورة على الرد

اسعدني وجودك

هههههههههههههههه..

يحليل الاجانب والله من جد مدلعين على الاخر مربيه وحركاته..

واما انحن اللهم سكنهم مساكنهم ..

بس والله اناً فله فالين ابوها..

مشكوور يا عضونا المميز كونان كودو على هذا الطرح..

لا عدمناك ولا عدمنا ابداعك..

ودي واحترامي لك:ريموو^^

زائر

..[محبة سينشي وران كتب:: هههههههههههههههه..

يحليل الاجانب والله من جد مدلعين على الاخر مربيه وحركاته..

واما انحن اللهم سكنهم مساكنهم ..

بس والله اناً فله فالين ابوها..

مشكوور يا عضونا المميز كونان كودو على هذا الطرح..

لا عدمناك ولا عدمنا ابداعك..

ودي واحترامي لك:ريموو^^

هم مدلعين وبس

اهم شيء احنا فالينه هم قوانين ونظام

العفو

وشكرا لمرورك

ههههههههه ايش قلت بلاوي اكثثر بالعكس هدووء وراحه مو زيكم رجه ولعب في الظهر توقيت ممتاز مررة

هههه يعطيك الف عاافيه ع الموضووع الحلوو

زائر

صَمْتَ ـآلْمَشٌآعِرُ كتب:

ههههههههه ايش قلت بلاوي اكثثر بالعكس هدووء وراحه مو زيكم رجه ولعب في الظهر توقيت ممتاز مررة

هههه يعطيك الف عاافيه ع الموضووع الحلوو

هههههه

انا ماقلت الا الحق انفرفش وليه مانفرفش دام اللعب عادتا

الله يعافيك

نورتي الموضوع بمرورك

لاتحرمينى من هذي الطله

وشكرا لمرورك

ترا شباب السعودية ما فيهم شئ صح عندنا بعض الاخطاء

بس ترا ما بيننا وبين الاجانب فرق عندهم مواهب حتى عندنا

مواهب صح انها ما هي زي مواهبهم لاكن تحترم مواهبنا

بس لا تزعل من كلامي هذا الي اشوفه وهذي وجهت نضري

تحياتي

هههههههههه

تســـــــــلم يا المبدع

من جد دا هو الحال

لا تحرمنا

» إنمي ....أولاد
» صور أولاد أنمي
» حال السعوديين في الظهر>.<
» إختراعات السعوديين
» صور أنمي أولاد ادخلو مش هتندمو