اذا كان قصدك تهين اسمي علشان تشمت العذال _ حشى لا انته ولاغيرك ولاعشره من اشكالك

السلام لأعضاء أحلى منتدى ..

شفت شعر عجبني مرررهـ

هذا الشعر خصوصا الأربعه بيوت الأخيرهـ

فقلت أعطيكم هوهـ تشوفوهـ وتحكمو عليه

نصيحه بتشوفوهـ وتقولو طويل وماراح تقرأوه صح ؟؟

أقرئوه كلو وماراح تندمو

وما بقول كذا عشان هوه موضوعي وأبغاه ينجح

لكن لأنو أعجبني مرهـ >> المهم لا تطولي بالسالفه صدعتي روستنا


عفا الله عن خطا غدرالخناجر والدروع ابطال
بسامح واتركك تحت الظلام الحالك الحالك
دخيلك وفر دموعك ترا هدر الدموع اذلال
وترا مافيه أحد يصبر مثل صبري بغربالك
أنا عيبن علي أنقض كلامي والرجال أفعال
واذا قلت أقطع حبالك تراني باقطع حبالك
علشان أكسب هدب عينك تجرعت العذاب أشكال
وليتك ترأف بحالي علشان أرأف بحالك
مسوي في حياتي شي مايذكر ولاينقال
حشى حتى العدو وهو العدو مايعمل اعمالك
تمسيني على الهم وتصبحني على الغربال
تقلطني فناجيلك وتقصر عني أدلالك
تحملت التعب لأجلك وانا حملي يهد جبال
رحلت من العذا بوماوقفت اللا على جالك
علامك كل مااجيك متواضع جيتني تختال
معاك ليامتى بأصبر وصبري معك يحلالك
مثل مااقبلت لعيونك لزوم تلد لي باقبال
ومثل ماقد حشمتك حس واحشم عنني أشوالك
أنا محدن بجابرني أساير معك هالمنوال
ترا لاني تبيع لك ولاني أصغر عيالك
أنا جيت أعشقك نبض ومشاعر معشقك تمثال
أنا جيت أسكنك وابقاك وأحيافيك وأبقا لك
أنا جيتك بظمى عاشق تعب يطرد سراب اللال
أناجيت أستفز رضاك من فرقاك والجالك

أنا ماهنت بك عاقل أنا كنت اعشقك بخبال
أنا ماعشقتك حي أنا كنت أعشقك هالك
تخيل من كثر مااخاف تلقى للزعل مدخال
أخاف اخطى على طيفك وادوس برجلي اظلالك
تبعتك والعرب تتبع رعود البارق الهمال
وانا شفت المطر يتبعك في حللك وترحالك
كأن اللي خلق حسنك خلقني مع جسدك اظلال
وصرت أقرب جسد يمشي معك بقفاك ولا تهيا لك
أبي قلبك يحس انه فقد بمحبته رجال
ملكته من هدب عين وخسرت رضاه بهمالك
صحيح الفراق أقسى ولكن الوصال محال
وانا صعبن علي أرضي غرورك واضعف قبالك
بعد ماحققت عيني فبعدك للرقاد مال
أعود للسهر ياخوي فال الله ولافالك
ببدل نظرتك فيني وأجيلك كل يوم بحال
بكون أقرب من ثيابك عليك ولاتهيالك
بلمك وانثرك واجمعك وارجع انثرك
بهمال بخونك وازعلك وارضي منك وارضى لك
ابرسم بالثرى وجهك وأبدفن صورتك برمال
ابسوي مثل مااشوفك تسوي وافعل افعالك
علشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال أطفال لك عندي هبال أطفال
ولا وابشر بعد بهبال حبن ماهو بهبالك
واذا كان قصدك تهين اسمي علشان تشمت العذال
حشى لا انته ولاغيرك ولاعشره من اشكالك

..Ran.. كتب:

صح الله لسانك ولسان شاعرها الفذ (حامد زيد)
ولاهان نقلكِ يالغاليه ولاتحرمينا منكِ ومن جديدك
تقبل مروري وتحياتي لكِ.....

شكرا على المورو

هذا الشعر لقيتو في روايه

إسمها نصفي يكرهك ونصفي فيك ذايب

الورد البنفسج

شكراا على المورو الجميل ..

صح لسانك
القصيدة جدا أعجبتني
مشكورة ع طرحك
وبإنتظار المزيد من إبداعك

قمة في الابداع روووووووووووووووووووعة

(أنا جيت أعشقك نبض ومشاعر معشقك تمثال....)


قصيدة أكثر من روعه....اشكرك عالنقل الرائع...

حلوه انتي والقصيده
ياعسل
لاتحرمينا احلى ابداعاتك
انتظر جديدك