كيفكم يااحلى أعضاء؟؟بخير؟؟إنشاءالله تكونوا كذا..
المهم..
كلنا نعرف الكرتون القديم(عدنان ولينا)ونعرف كيف هو كرتون مميز وشيق وفريد من نوعه
لذلك قررت اليوم أجبلكم قصة مختصرة لعدنان ولينا ولكن باللهجة (البدويهـ.)هههـ راح تعجبكم
أنا لمن قرأتها فطست ضحك وإلحين أخليكم مع القصة..
(عدنان) : شفيك يالينا معصبه ؟
(لينا) : مدري ياخوك احس اني بنخطف زي كل مره (ههههـ. حدس المرأة)
(عدنان) : يهبووون سميرة وعلام وكل جنود القلعه (هههـ. نعم الرجال زاللهـ)
(لينا) : مانيب مرتاحه احس اني كبسه وشكلهم بيخطفوني (تتغلى على عدنان)
(عدنان) : اللي يقرب منك بتوطاه هنيا وادوووس على خشته (كفوو)
(لينا) : يابعد قلبي ياعدنان... انا اشهد انك ذيب (أستحت لينا)
(عدنان) : إحم إحم إحم تسلمين .. المهم وين عبسي؟؟ (أنفخ عدنان بكلام لينا)
(لينا) : مدري يمكن يصيد ضفادع عشان الغداء (مايهمه إلا كرشتهـ.)
(عدنان) : وع الله يقرفه ذا الشين ... المشكله انه خويي ولازم اتحمل بلاويه (يغتاب خويهـ الشين)
(لينا) : يمه يمه .. اسمع صوووت طيارة سميرة يااااويلي !!
(عدنان) : لاتخافين وقفي وراااي واللي يقول عن نفسه رجال يقرب منك (يطمنها وهو مايسوى دجاجه)
**سميره مع الجنود نزلو من الطياره**
**سميره تتكلم بالمايك من بعيد**
(سميره) : سلم نفسك ياعدنان ولاترز وجهك (جريئة بزياادة)
(عدنان) : اقول تلايطي بس ولايكثر وارجعي من محل ماجيتي (صكها بين عيونها)
(سميره) : انزح وراك... وخلنا نخطف لينا براحتنا (تعدت كل الحدود)
(عدنان) : .. اللي يرشها بالميه ارشه بالدم (قلب مصري على غفلهـ)
(سميره) : اقول لاتتميلح وتسوي نفسك مصري اوكي !
(عدنان) : لينا ماتبيكم ولا تبي عيشتكم .. لينا خطيبتي وانا متكفل بكل مصاريفها
(سميره) : الله واكبر على المصاريف ؟ كلها فستان واحد وطق لونه من كثر الغسيل (تقصد الفستان الأحمر الي لينا ماتغيرهـ)
(عدنان) <<<< طاح وجهه (تفشل)
(لينا) : انتي عاوزه ايه ؟ انا موش هينا انا خرجت بره (قلبت هي بد مصريه,شكلهم كلهم متقاولين مع مصر وهم في أزمتهم)الله يعينهم
(سميره) : اقول انطمي انتي الثانيه لاتسوين نفسك مصريه وتلعبين علي ... ترى حركاتكم هذي معروفه
(عدنان) : ماعاش اللي يقول حق لينا انطمي ... شكلي بشوتك باند من الجزيره
**صارت معركة قوية بين عدنان والجنود**
**في البداية عدنان صفقهم وبعد شوي طاح في الارض وتوطوا في بطنه**
**الجنود خطفو لينا في الطياره وانطلقو الى القلعة**
**وبعد دقائق جا عبسي**
(عبسي) : عدنان لماذا انت نايم ؟ شفيك ؟؟
(عدنان) : اي.. اح.. ضلوعي متكسرة والركب تتصافق (مرقص على غفلة)
(عبسي) : لماذا ؟ ماذا حدث ؟ (مسوي معلم لغة عربية)
(عدنان) : اقول انطم بس ... سميرة والجنود كانو هنا وتمردغوني وخذو لينا للقلعه
(عبسي) : افا ياذا العلم ؟ لماذا لم تناديني عشان اسوي فزعه ؟ (والله ماعنك ماعند جدتي)
(عدنان) : وانا وش عرفني في اي جحر انت ؟ طوول يومك تحووس ورى هالضبان والضفادع اقرفتنا في عيشتنا ياشيخ
(عبسي) : طيب ماذا سنفعل الحين ؟
(عدنان) : ابيك تراقب الميناء اذا شفت سفينة القبطان نامق علمني عشان نطمر فيها
(عبسي) : حسنا ياسيدي . (ماسكهـ. معه الفصحى)
**بعد ساعتين مرت السفينه**
(عبسي) : عدناااان وصلت السفينه هيااا بنا
(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا
**وصلت السفينة الى القلعة**
(عدنان) : انا بروح ادور لينا .. وانت وش بتسوي ؟
(عبسي) : انا بفتح اللاب توب واشيك على ايملاتي لين ترجعون . (حلوة وين كلامك (عشان تسوي فزعة يالدب)ومن وين الابتوب)
(عدنان) : انتبه لاحد يشوفك وتوهقنا !! ترى كلها ساعه نسحب لينا ونعود ديرتنا
(عبسي) : لاتخاف اذا حد شافني بقولهم انا برب في المنتدى (هههههـ.. لا في منتديات المحقق كونان كمان)
**عدنان وصل الى غرفة لينا ويكلمها من ورى الشباك**
عدنان) : حياتي ليونه وحشتيني (قام يغازل الخبل ماكأنه جاي ينقذها)
(لينا) : هلا والله ... ولكمووووووووو نورت الأمل .. شخبارك؟ شخبار الوالده؟
(عدنان) : يسلمووووووووو... كلنا بخير ومشتاقين لك
(لينا) : تشتاق لكم العافية
(عدنان) : وانتي شلونتس ؟ وش علومتس ؟
(لينا) : يووووه انا طفشانه مررره وكل شوي يطقوني
(عدنان) : ولايهمك اوريهم ... على فكره ترى عبسي جاء معي ويسلم عليك
(لينا) : وينه الشين ؟؟ شخباره ؟ عساه طيب ؟
(عدنان) : ابشرك بخير ونعمة... والرجال يحترينا عند السفينه (ما كأنهم كانوا قبل ساعة مع بعض)
(لينا) : طيب يالله انقذني بسرعه وراك تحب السواليف ؟
(عدنان) : ابعدي شوي تراني بضرب القزازه براسي واكسرها (إنتبهـ لدماغك لا تروح فيها)
** تم انقاذ لينا وانطلقو الى السفينه**
(عدنان) : عبسي يالله سرينااااااا
(عبسي) :ولكموووووووو نورت الأمل هلا وغلا
(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه
(عبسي) : المصيبة ان القبطان نامق نايم مع وجهه
(عدنان) : دق عليه جوااال وخله يصحى ماعاد فيه وقت
**اتصــــــال**تررررررررررررررررررررررررنـــــ.**
(نامق) : الووو مرحبا.. مين معي ؟
(عبسي) : نامق تكفى ترى تكفى تهز رجال (شحاتهـ على أصول)
(نامق) : ابشر بعزك... امر وش بغيت؟ (هذي علوم الرجاجيل ولا بلاش)
(عبسي) : قم شغل السفينه وخذنا معك نبغا نهرب من سميره
(نامق) :ياويل حظي لاتقول سميره ترى اخق من طاريها
(عبسي) : اقول بلا هذره اخلص علينا نبغا نفرك من هنا
(نامق) : اوكي تعال السفينة وماعليك انا بتصرف
**ركبو السفينة ونامق نزل عشان يتكلم مع سميره**
(سميره) : وينهم ؟ وين خبيتهم ؟؟ اعترف ؟
(نامق) : ياويل حالي.. عليك عيون ماهيب صاحيه
(سميره) : اقول تلايط بس.. وين لينا؟؟
(نامق) : سميره مستعد اعطيك لينا لكن عطيني قلبك تراني خقيت واللي كان كان (من خوفه ماعرف إيش الدبرة قام يتغزل)
(سميره) : هاهاهاها ضحكتني ... قلبي وش تبي فيه ؟
(نامق) : اويلااااه على قلبك.. ابيك تكونين حبيبتي وتاخذين رقمي ونسولف تالي الليل مثل هالمراهقين
(سميره) : ياولد استح على وجهك ترى جوالي سوى (يعني إفهمها وإشحن)
(نامق) : كل بطاقات السوى تفداااااك بس خليني اسكن قلبك لو ليله وحده كح
(سميره) تناظر في جزمتها (يعنني إستحيت )
(نامق) : وش فيك تناظرين جزمتك ؟ ناويه تضربيني صح ؟
(سميره) : لا شدعوه ... بس كنت افكر في جوال الدمعه يقولون فيه بلوتوث وحركات (ماصدقت أحد عطاها وجهـ)
(نامق) : شركة نوكيا بكبرها ماتغلى عليك ياقلبي
(سميره) : يؤيؤ لهدرجه تحبني ؟؟
**عدنان طل براسه من السفينه**
(عدنان) : ماخلصتو انتو ؟؟ ياخي رقمها وفكنا ... نبي نمشي
(سميره) : تمشي في عينك .. انا بروح معكم (وراكم وراكم والزمن طويل)
(نامق) : تفضلي ياقلبي ادخلي برجلك اليمين (مسجد على غفلة؟؟)
(لينا) : يمه يمه.. سميره بتروح معنا ؟؟ انا خايفه تضربني
(عدنان) : لا تخافين... نامق روضها خلاص (ليش حمار ولا ثور؟؟)
(عبسي) : كفوو نامق.. الحين نقدر نعيش مرتاحين
أرجو من الله أن تنال إعجابكم وعلى فكرة القصة منقولة ولكن تم تعديلها من قبلي وأنا من أضاف جميـع التعليقات ههـ.
X
2011-02-07, 10:40 pm
