1- الموضوع حصري وليس منقول
او منقول بتعديل وجهد شخصي كامل
2- تنسيق الموضوع
طبعا هذا له دور كبير جدا
نسق موضوعك بخط مناسب للقراءة وحجم مناسب
وتلوين العناوين الجانبية
وتلوين الفقرات
هذا الشي يعطي الاعضاء انطباع حلو عنك انك شخص مرتب
بصراحة هنا في المنتدى في اعضاء من اشوفه نزل موضوع جديد انقز واجري على موضوعه بس عشان اخذ انطباع خلاص ان مواضيع هذا العضو تفتح النفس وبالتالي ابي امتع عيوني بالترتيب والتنظيم والتنسيق والالوان الحلوة المرتبة في اختيارها
3- دعم الموضوع بالصور
بعض الموضيع تتطلب انك تدعمها بالصور
يعني واحد نزل برنامج جديد الافضل تحط البوستر الغلاف حق البرنامج
والطريقة سهلة اكتب اسم البرنامج في قوقل صور
وراح يطلع لك مليون غلاف وغلاف للصور اللي تبغاها
4- رفع صور الشروحات واي صور اخرى على مركز تحميل
[ندعوك للتسجيل في المنتدى أو التعريف بنفسك لمعاينة هذا الرابط]ليش ما ترفعو صوركم وشروحاتكم عليه؟
السبب انت ترفع صورك على مركز تحميل خارجي
وبعد اسبوعين
شهر
شهرين
يتم حذف الصور
ويصير موضوعك ماله داعي
وبالتالي ضاع مجهودك وتعبك لو كان رافع الصور خارجية واتخرب الشرح لو كان موضوع شرح او صور في قسم الصور وماشابه ذلك
5- اختيار عنوان مناسب للموضوع
يعني اذا جيت بتختار موضوع حاول يكون فيه اسلوب جذب للموضوع
يعني انا مثلا
كنت انزل مواضيع صوتيات في قسم الصوتيات الاسلامية
وقليل جدا يرد علي فيه مثال
اليوم نزلت موضوع بعنوان ( اهداء الى فهد - عبدالله الرفاعي واذا استسقى موسى لقومه ) طبعا الحركة هذي بالفعل نجحت صر عند الاعضاء فضول يعرفو وش الاهداء هذي
وبالتالي قدرت اجذبهم
لكن لو كتبت فقط عبدالله الرفاعي ...الخ بدون اهداء لفهد ؟ كان نسبة الدخول قلت بكثيييييييييييير للموضوع
6- تفاعلك مع الموضوع او اي موضوع جديد مهما كان تافه اومهم هذا يحد ذاته يعتبر رصيد لك عند العضو اللي ترد عليه
مثال بسيط
احيانا انزل موضوع اللعبة الفلانية او في قسم الاحياء
اكيد اكثركم يقول وش دخل جدي في الاحياء ماليا صلاح
لكن في بعض الاعضاء يردو وهم مو فاهمين حتى تخصص الاحياء
لكن والله بشكل شخصي في بعض الاعضاء هنا لو ينزلو اي موضوع حتى لو ماله داعي اروح وارد لاني انحرج واقول هذا دايم يرد علي لازم ارد عليه
وبالتالي صار هنا اخذ وعطا وحققت تفاعل في موضوعك وضمنت اكبر عدد ممكن من الاعضاء يدخلو
7- ابتعد كل البعد عن الردود التقليدية مثال بسيط
نزلت عضوة من العضوات موضوع في قسم الاناقة بعنوان فساتين 2010
دخلت العضوة الاولى كتبت مشكوووووووووورة
دخلت الثانية كتبت ما شاء الله حلوة الفستاين هذي كثير عجبتني
دخلت الثالثة كتبت ما شاء الله انا شفت مثلها في المكان الفلاني واكثر شي عجبني الفستان الفلاني
بالله عليكم مين افضل عضوة فيهم تحس انها قدرت تعبك ومجهودك في الموضوع وتعطيك طعم حلو للموضوع وتعبك ؟. اكيد الثالثة
طيب لو الاولى نزلت موضوع هل راح يهمك الموضوع ؟ كيد لا
حسس كاتب الموضوع انك قريت موضوعه واذا في زيادة في راسك على الموضوع مثل موضوع عن برنامج الفوتوشوب قول الاضافة مثلا انا ارد واقول ( انا بصراحة جربت اصدارات الفوتوشوب واكثر اصدار مرتاح معاه هو الاصدار التالي لانه خفيف وجميل وووالخ ) هنا انا زودت العضو اللي نزل الموضوع بشحنه ابداع عشان يدور لك الاصدار هذا وينزله لك لعيونك
8- لو مافي احد دخل موضوعك تاكد 100% انك مخالف احد النقاط في هذا الموضوع
ارجو التثبيت
2011-02-01, 6:22 pm
